Cheryl xhelozon që Liam kalon shumë kohë me Ritën, është spekuluar se çifti është në prag të ndarjes

Në javën e kaluar ishte raportuar se Cheryl dhe Liam Payne janë në prag të ndarjes, një vit pasi u bënë prindër të fëmijës së tyre të parë.

Mirëpo, këngëtarja pritet t’i përgënjeshtrojë thashethemet duke e shoqëruar partnerin e saj në Brit Awards, përkundër se ai do të performojë me Rita Orën.

Sipas The Sun, 34-vjeçarja Cheryl është e vetëdijshme se mosprania e saj në O2 Arena vetëm sa do t’i shtojë spekulimet kur Payne do të shfaqet pranë Ritës në skenë, prandaj dëshiron që të shfaqet bashkë me 24-vjeçarin gjatë parakalimit në tepihun e kuq.

Në ngjarjen e madhe të muzikës në Londër, këngëtarja shqiptare dhe Liam do ta interpretojnë duetin e tyre “For You” që është kënga kryesore e filmit “Fifty Shades Freed”.

Lexo po ashtu Rita Ora: Përgatituni sonte për një shfaqje fantastike në Brit Awards

Burimet kanë thënë se Cheryl e di se të gjithë do të flasin për të dhe partnerin e saj, prandaj dëshiron të jetë me të dhe ta mbështesë kur të shfaqet në skenë, në mënyrë që t’i heshttë spekulimet rreth ndarjes.

Është raportuar se këngëtarja është xheloze për kohën që Liam e kalon me Ritën gjatë kohës që po e promovojnë këngën e tyre që është shndërruar në një hit botëror.

Po ashtu, është spekuluar se lidhja e tyre është në krizë, sepse çifti nuk po gjen kohë për njëri-tjetrin për shkak të orareve të ngarkuara. Për më shumë, ata duhet të ndajnë kohë edhe për djalin 11-mujor, Bear. /Telegrafi/