Chelsea rivalizon Realin dhe Unitedin për Pochettinon

Trajneri i Tottenham Hotspur, Mauricio Pochettino ka përfunduar në listën e dëshirave të klubit londinez, Chelsea.

Blutë thuhet se janë të gatshëm të largojnë italianin Maurizio Sarri pas përfundimit të sezonit.

Trajneri italian thuhet se nuk ka përmbushur pritshmëritë e drejtuesve të klubit londinez dhe tani ata po shikojnë për pasuesin e tij.

Lexo po ashtu Maurizio Sarri mund të shkarkohet në fund të sezonit

Sipas mediumit britanik Sunday Express, Chelsea është shfaqur befasisht si pretendentë në betejën për të marrë Pochettinon nga Tottenhami.

Argjentinasi thuhet se është kandidati kryesor për të marrë përsipër detyrën e trajnerit te Manchester United në fund të sezonit, por gara për të veçse është shtuar.

Edhe Real Madridi dhe presidenti i tyre Florentino Perez kanë qenë prej kohësh admirues së punës së tij te Tottenhami.

Lexo po ashtu Solskjaer, Pochettino, Zidane dhe 12 trajnerët tjerë që mund ta drejtojnë Unitedin në sezonin e ardhshëm

Megjithatë, duke parë kohëve të fundit një zhytje në formë të ekipit nën drejtimin e Sarrit, Chelsea është klubi i fundit që thuhet se po e vështron atë.

Dështimi për të siguruar një vend në Ligën e Kampionëve të sezonit të ardhshëm mund të shihte Sarrin e larguar nga Stamford Bridge pas vetëm një viti dhe Pochettino është favoriti i parë i bordit të Bluve për ta pasuar atë. /Telegrafi/