Elseid Hysaj po i kalon ditët e tij të fundit te Napoli.
Mbrojtësi shqiptar ka shkëlqyer në tri vitet e fundit në kampionatin italian Serie A.
Kësisoj falë paraqitjeve të mira ai ka zgjuar interesimin e skuadrave të mëdha.
Por si duket e ardhmja e tij do të jetë në Londër te Chelsea.
Ish-kampionët e Anglisë janë gati të nënshkruajnë me trajnerin Maurizio Sarri i cili dëshirë të parë e ka Hysajn.
(Getty Images)
Mediat angleze kanë raportuar se klubi londinez tani ka bërë gati 42 milionë euro për Hysajn.
Por duket se kjo shumë nuk po e kënaq Napolin që po kërkon edhe më shumë.
Presidenti i klubit Aurelio De Laurentis ka dhënë leje për largimin e Hysajt por vetëm nëse vije oferta prej 60 milionë eurove.
Reprezentuesi shqiptar stinorin e fundit ka zhvilluar 47 ndeshje në të gjitha garat me Napolin duke asistuar në tre raste. /Telegrafi/
