LAJMI I FUNDIT:

Çfarë po ndodh me Venezuelën? Pas demonstratave, mungesës së barnave dhe ushqimit – vendi mbetet edhe pa energji elektrike (Foto)

Çfarë po ndodh me Venezuelën? Pas demonstratave, mungesës së barnave dhe ushqimit – vendi mbetet edhe pa energji elektrike (Foto)

Gjendja kaotike në Venezuelë vetëm sa është duke u përkeqësuar. Mediat botërore raportojnë se kryeqyteti i këtij vendi, Karakasi, që nga e enjtja pasdite ka mbetur pa energji elektrike, por ky terr është zgjeruar edhe në pjesë tjera të vendit.

E për mungesën e energjisë elektrike, qeveria e presidentit Nicolas Maduro është duke e akuzuar opozitën. Megjithatë, situata e tensionuar në këtë vend dita ditës është duke u rritur, e opozita është duke bërë të pamundurën që ta heq rrëzojë nga pozita presidentin Nicolas Maduro, transmeton Telegrafi.

Maduro me këmbëngulje po akuzon opozitën dhe Juan Guaidó, që sipas tij ka organizuar gjithçka përfshirë këtu fikjen e energjisë elektrike. Por, kështu nuk mendon Guaido i cili është i bindur se mungesa e energjisë elektrike është pasojë e “kaosit dhe zhgënjimit”, dhe sipas tij tregon qartë se “uzurpatori i vendit është i paaftë”.

“Energjia elektrike do të rikthehet në momentin që do të bie nga pushteti Maduro”, ka deklaruar Guaido para gazetarëve.

E në anën tjetër, Sekretari amerikan i Shtetit, Mike Pompeo, sa i përket mungesës së energjisë elektrike e ka akuzuar Maduron.

“Nuk ka ushqim, barna. Tani nuk ka edhe rrymë. Së shpejti nuk do të ketë as Maduro”, ka shkruar Pompeo në Twitter.

Si pasojë e këtij terri që e ka pushtuar pjesën e madhe të Venezuelës, janë anuluar shumë fluturime nga aeroporti kryesor i Karakasit, kurse qindra punonjës të aeroportit janë detyruar të rikthehen në shtëpitë e tyre në këmbë.

Ndërkaq, Maduro sot ka urdhëruar ndërprerjen e mësimit nëpër shkolla si punën në korporata të ndryshme, me qëllim që të mos ketë shpenzime të mëdha sa i përket energjisë elektrike.

E sipas zyrtarëve të lartë të kompanisë që merret me shpërndarjen e rrjetit të energjisë elektrike, shkaku i mungesës së rrymës ka ndodhur pas sabotimit në hidrocentralin më të madh të Venezuelës, “Simon Bolivar”. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Biden thotë se kombet arabe,

Biden thotë se kombet arabe, "të përgatitura për të njohur plotësisht Izraelin" për herë të parë

Botë
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Kalo në kategori