Çfarë mund ta detyrojë Apple të heq dorë nga kornizat e titanit për iPhone 17?

Presidenti i sapozgjedhur Donald Trump është gati të vendosë tarifa ndaj Kinës ditën që ai inaugurohet.

Kjo është arsyeja pse Apple dhe Samsung tashmë po rimendojnë disa nga vendimet e tyre të mëparshme.

Një raport thotë se iPhone 17 Pro dhe Pro Max i vitit të ardhshëm do të braktisin kornizat e titanit, dy vjet pasi Apple e përqafoi për herë të parë materialin me prezantimin e iPhone 15 Pro.

Sipas informatorit Jukanlosreve, kthimi i Trumpit në Shtëpinë e Bardhë është një nga arsyet pse jo vetëm Apple, por edhe Samsung potencialisht, do të heqin dorë nga titani.

Plausible reasons why Apple might move away from titanium in the iPhone 17 series:

1. Trump’s election: Electronics companies like Apple and Samsung are likely to reduce their reliance on Chinese components. Titanium frames are predominantly manufactured by Chinese companies,…

— Jukanlosreve (@Jukanlosreve) November 30, 2024

Bëhet e ditur se Kina është prodhuesi më i madh në botë i titanit dhe nëse lufta tregtare midis vendit të Azisë Lindore dhe SHBA-së intensifikohet, kjo do ta bëjë materialin më të shtrenjtë, shkruajnë mediat e huaja, përcjell Telegrafi.

Një arsye tjetër e mundshme pas largimit të supozuar nga titani është se pavarësisht se ishte më i shtrenjtë se çeliku inox, që është ajo që përdorej për telefonat premium të Apple të prezantuar përpara iPhone 15 Pro, ai nuk ofronte ndonjë avantazh të rëndësishëm në peshë.

iPhone 15 Pro është vetëm 9% më i lehtë se iPhone 14 Pro.

Një shqetësim tjetër i mundshëm është se titani mund të jetë përgjegjës për ngrohjen e pakëndshme të telefonave Apple.

Ndërsa ankesat për mbinxehje janë ulur kryesisht pas prezantimit të iPhone 16 Pro, me sa duket për shkak të arkitekturës së re të ftohjes së telefonit, ato nuk janë shuar plotësisht, duke treguar që titani mund të mos jetë plotësisht i pafajshëm. /Telegrafi/