Çfarë kanë nevojë fëmijët pas divorcit? Katër gjëra që prindërit duhet t’i kushtojnë vëmendje

Divorci i prindërve është gjithmonë i vështirë për fëmijët dhe detyra kryesore e mamit dhe babit është të sigurohen që të vegjlit ta ndiejnë sa më pak ndarjen e tyre

Edhe ata janë të vetëdijshëm për këtë, por të rriturit shpesh përpiqen t’ua lehtësojnë këtë situatë fëmijëve në mënyrën e gabuar – duke blerë lodra dhe duke konkurruar se kush do t’i kënaqë më shumë, mami apo babi.

Ka gjëra të tjera që prindërit e divorcuar mund të bëjnë për t’i ndihmuar fëmijët e tyre të pranojnë ndarjen e tyre, dhe ja për çfarë po flasim.

1. Fëmijët kanë nevojë që mami dhe babi të kuptojnë njëri-tjetrin

Pavarësisht se janë të divorcuar, është e rëndësishme që mami dhe babi të qëndrojnë në një marrëdhënie të tillë që të jenë bashkë në të njëjtin vend pa problem, kur fëmijët kanë nevojë. Fëmijët kanë nevojë që të dy prindërit të jenë të pranishëm kur ata festojnë ditëlindjen, kanë një ngjarje në shkollë ose kur shkojnë te mjeku. Ata kanë nevojë për një nënë dhe baba që mund të bashkëpunojnë në rritjen e fëmijëve dhe jo ata që vazhdimisht do të konkurrojnë dhe debatojnë, transmeton Telegrafi.

2. Është e rëndësishme që prindërit të komunikojnë me respekt

Cilado qoftë marrëdhënia mes mamasë dhe babit pas divorcit, ata duhet të flasin mirë, të paktën para fëmijëve. Të vegjlit kanë nevojë për prindër të përgjegjshëm që të mund ta kontrollojnë veten të paktën aq sa të mos debatojnë dhe kritikojnë njëri-tjetrin në prani të fëmijëve.

3. Prindërit duhet të bashkëpunojnë pas divorcit

Asnjë fëmijë nuk dëshiron që nëna dhe babai i tyre të divorcohen, por edhe nëse kjo ndodh, ata përsëri kanë nevojë për të dy prindërit. Kjo nuk do të thotë që mami dhe babi duhet të qëndrojnë në një martesë të pakënaqur për hir të fëmijëve dhe më vonë të flasin se sa shumë sakrifikuan kur morën një vendim të tillë. Në vend të kësaj, është e rëndësishme që fëmijët të mbeten një prioritet për të dy pas divorcit. Prandaj, mami dhe babi duhet të bëjnë përpjekje për të bashkëpunuar në rritjen e fëmijëve së bashku, në mënyrë që të vegjlit të kenë paqe dhe siguri pavarësisht rrethanave familjare.

4. Fëmijët kanë nevojë që prindërit të pranojnë divorcin

Divorci, edhe ai “më i denji”, është një ngjarje traumatike, si për fëmijët, ashtu edhe për prindërit. Megjithatë, të vegjlit kanë nevojë për mamin dhe babin që marrin përgjegjësinë për jetën e tyre. Me fjalë të tjera, është e rëndësishme që si nëna ashtu edhe babi të flasin me terapistët, në mënyrë që ata vetë të mund të shërojnë plagët nga divorci dhe më pas të jenë në gjendje të vazhdojnë përpara dhe të jetojnë të lumtur dhe të përmbushur. /Telegrafi/