Një simbol i ri që po shfaqet në tanket dhe automjetet e blinduara ruse të përfshira në ofensivën e vazhdueshme pranë Kharkivit në Ukrainë sugjeron një rritje të konsiderueshme në aktivitetet ushtarake të Rusisë, sipas monitoruesit të inteligjencës me burim të hapur OSINT Defender.
Sipas mediave të huaja, përcjell Telegrafi, simboli i paparë më parë përbëhet nga një katror qendror me dy kryqe diagonale të mbivendosura.
Dhe kjo shenjë ka filluar të shfaqet në pajisjet ruse gjatë disa ditëve të fundit.
OSINT Defender raporton se simboli i ri mund të lidhet me ofensivën e rinovuar kufitare të Rusisë në verilindje të Ukrainës.
Grupet sulmuese të blinduara ruse po përpiqen të “shkelin” mbrojtjen e Ukrainës, veçanërisht rreth Vovchansk, ku forcat ruse janë parë duke hyrë në qytetin kufitar.
Në zonat e konfliktit, simbolet si këto shërbejnë kryesisht si masa identifikuese të mikut ose armikut (IFF), një mënyrë për të parandaluar zjarrin miqësor.
Kujtojmë se shenja më e spikatur ka qenë ‘Z’ që u shfaq në shumë automjete të blinduara ruse në fillim të pushtimit në vitin 2022 dhe vazhdoi të bëhej diçka si një simbol për rusët për të treguar mbështetje për përpjekjet e luftës.
A “Theatre Tactical Symbol” which was not previously seen has begun to appear on Russian Tanks, Armored Vehicles, and other Equipment seen over the last 48-72 Hours during Offensive Operations against the Kharkiv Region of Northeastern Ukraine, with this being another Indicator… pic.twitter.com/YS7GEacZj9
— OSINTdefender (@sentdefender) May 11, 2024
“Shenjat janë thelbësore në luftime për të dalluar automjetet miqësore nga ato armike, veçanërisht në konflikte si ai në Ukrainë, ku të dyja palët mund të përdorin pajisje të ngjashme”, ka thënë Michael Pursell, një ushtarak amerikan në pension që tani jep mësim në Universitetin George Washington.
Siç thuhet më tej, ushtria ruse prezantoi simbolet e qarkut në automjetet e saj të blinduara pak para fillimit të pushtimit të vitit 2022.
Sipas “Russo-Ukrainian Warspotting”, një uebsajt i bazës së të dhënave të konfliktit të drejtuar nga vullnetarë, çdo distrikti ushtarak rus, së bashku me milicinë e lidhur me Rusinë në Donbas, i janë caktuar shenja të dallueshme.
Faqja e internetit ka gjurmuar më shumë se 10 simbole të ndryshme të përdorura nga ushtria ruse në fushën e betejës, duke përfshirë “Z” të bardhë.
Kujtojmë se ndërsa Ukraina pret një fluks shumë të nevojshëm të ndihmës ushtarake të SHBA-së, forcat ruse kanë nisur një shtytje të përtërirë në Kharkiv, thanë zyrtarët ukrainas, duke shtuar se ushtria e Kievit po nxitonte për burime shtesë në kufirin verilindor.
Sipas zyrtarëve ukrainas, Moska ka bërë “fitime të rëndësishme taktike” në zonat e rajonit verilindor, ku Kievi ka më pak mbrojtje.
Kharkiv – i cili ka qenë nën bombardimet e vazhdueshme ruse për javë të tëra – është qyteti i dytë më i madh i Ukrainës dhe marrja e tij do të ishte një përparim i rëndësishëm për Rusinë, megjithëse mbetet e paqartë nëse Moska synon të nisë një sulm në shkallë të plotë në rajon. /Telegrafi/
Promo
Reklamo këtuLufta Prigozhin - Putin
Më shumë"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
Sondazhi i New York Times - kush po udhëheq, Harris apo Trump
Polonia miraton ligjin që ua mundëson autoriteteve përdorimin e armëve kundër emigrantëve në kufi me Bjellorusinë
Protestuesit në SHBA djegin flamujt amerikanë gjatë fjalimit të Netanyahut në Kongres, Trump kërkon dënime të ashpra për ata që e përdhosin flamurin
Mediat serbe publikojnë detaje të reja rreth vrasjes së Faton Hajrizit në Serbi
A është e përgatitur Evropa për një presidencë të dytë Trump?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Zana Spahiu dorëhiqet nga ushtruesja detyrës së drejtoreshës në RTK
Liverpooli po i transferon dy yjet e rivalit nga Liga Premier për 100 milionë euro
Ripërserit Daçiq: Është i pamundur ekstradimi i Radoiçiqit, Serbia nuk e njeh Kosovën
I kërkuar nga Real Madridi: Trent Alexander-Arnold ka vendosur për të ardhmen e tij
Trump: Nëse iranianët më vrasin, Amerika dua që ta zhduk Iranin
Kur do të kthehet trupi i Faton Hajrizit, flet Ivica Daçiq