Cancelo nuk e di sa a do të qëndrojë te Interi, por krenar që ishte pjesë skuadrës zikaltër

Mbrojtësi i Interit, Joao Cancelo, nuk kurseu fjalët e mira për skuadrën e tij pasi zikaltrit arritën të fitojnë ndaj Lazios me rezultat 2-3.

Pas kësaj fitore klubi nga Milano siguroi edhe një vend në fazën e grupeve të Ligës së Kampionëve për sezonin e ardhshëm.

Portugezi i huazuar nga Valencia është krenar që ka qenë pjesë e skuadrës së Luciano Spallettit këtë sezon, por ende nuk e din se çfarë do të ndodhë me të ardhmen e tij.

“Ky grup është i shkëlqyer. Lojtar të shkëlqyer, tifozë të shkëlqyer”, ka thënë Cancelo për Mediaset Premium.

“Kemi arritur objektivin pas kësaj pune të madhe. Ishim gjithë në ndeshje, por forca e këtij grupi arriti ta rikthej rezultatin dhe të fitojë vendin në Ligën e Kampionëve”.

Lexo po ashtu Valencia refuzon që të bisedojë me Interin për Joao Cancelos, data dhe çmimi nuk ndryshojnë

“E ardhmja? Të qëndroj apo jo, nuk varet nga unë. Varet nga dy klubet dhe se çfarë ata vendosin. Jam krenar që kam qenë pjesë e kësaj skuadre”, ka shtuar portugezi.

Cancelo ka shënuar vetëm një gol në 21 paraqitje dhe ka dhuruar tre asistime, por paraqitjet e tij kanë qenë shumë më të mira se statistikat. /Telegrafi/

https://www.youtube.com/watch?v=xQHHpBDtuAQ