Caktohet takimi Neymar–Barcelona, lëvizjet e fundit do të jenë vendimtare

Rikthimi i Neymar te Barcelona, nuk është vetëm një rrëfim i bukur, pasi që kjo ka filluar të marr formë.  

Sipas asaj që shkruan “Esporte Interativo”, njëri ndër mediumet më të mëdha sportive në Brazil,  rikthimi i Neymar te Barcelona pritet të marrë rrugë nesër (e martë), kur pritet një përgjigje vendimtare nga klubi, për të parë nëse mund të mbyllet me sukses.

Babai i futbollistit brazilian, që ndodhet me pushime, do të udhëtojnë në Barcelonë për të takuar një të besuar nga klubi katalanas.

Lexo po ashtu Presidenti i La Ligas, Tebas: Preferoj që Neymari të mos kthehet te Barcelona

André Cury është ai me të cilin do të diskutohet për kthimin e lojtarit të PSG në Camp Nou, sipas asaj që shkruan Esporte Interativo.

Cury është një nga më të besuarit e presidentit të Barcelonës, Bartomeu, dhe ishte i përfshirë në shitjen e Neymar te PSG, por edhe kur erdhi te katalunasit nga Santos.

Ai është personi që do t’i lidh palët dhe do t’i bashkojë pikëpamjet e palëve.

Neymar ka marrë vendimin për të lënë PSG, pavarësisht se ka një kontratë deri në vitin 2022 dhe i ka thënë babait të tij se prioriteti i tij numër një është që të kthehet në Barça.

PSG e bleu për 222 milionë euro në verën e vitit 2017.

Sipas Esporte Interativo, PSG është e interesuar që të përfshirë disa lojtarë në këtë marrëveshje, dhe Dembélé ose Coutinho, janë opsione të mundshme. /Telegrafi/