Zëdhënësi i PDK-së, Avni Bytyçi, ka thënë se është hera e dytë që SHBA nga instancat më të larta kanë demantuar kryeministrin dhe politikanët kryeneç të Kosovës.
Bytyçi ka shkruar në Faebook se krerët e koalicionit të vetë shkarkuar, Albin Kurti e Vjosa Osmani por edhe politikanë më të vegjël edhe më parë ishin përpjekur të mashtronin SHBA-të për demarkacionin dhe ishin demantuar nga krerët e Shtëpisë së Bardhë.
Edhe dje, sipas Bytyçit u deshtë që Shtëpia e Bardhë ta demaskoj mashtrimin e madh të Albin Kurtit e Vjosa Osmanit për gjoja ndarjen e Kosovës.
“Ata fyen, gënjyen, mashtruan dhe dhunuan institucionet e shtetit, por kurrë nuk pranuan të japin përgjegjësi për dëmet e shkaktuara.
E mbajtën peng vendin, e izoluan dhe e sollën në pikën më kritike raportin e shtetit të Kosovës me partnerët ndërkombëtarë dhe as nuk u lodhën për këtë”, ka shkruar Bytyçi, duke kërkuar përgjegjësi nga Kurti e Osmani për mashtrimet që u kanë bërë qytetarëve.
Deklarata e plotë e Zëdhënësit të PDK-së, Avni Bytyçi:
Për një kohë të gjatë, një pjesë e spektrit politik në Kosovë, për pushtet dhe konsum tërësisht elektoral, kanë gënjyer qytetarët e Kosovës për një marrëveshje sekrete që kinse ekziston në mes të Kosovës dhe Serbisë për ndarjen e Kosovës apo shkëmbimit territorial.
Njëjtë kishin gënjyer për demarkacionin. LVV ishte në krye të këtyre gënjeshtrave, të tjerët sipas rastit.
Me një akt të pa precedent, Departamenti i Shtetit Amerikan, në emër të të dërguarit special të Presidentit Trump, Ambasadorit Grenell, Zv. ndihmësi i sekretarit të Shtetit, z. Palmer dhe Ambasadorit në Kosovë z. Kosnett, e përgënjeshtruan ekzistimin e një marrëveshje sekrete.
Por kjo gjuhë direkte e djeshme amerikane, ka histori edhe më të gjatë në Kosovë.
Njëjtë gënjeshtra ishte përdorur edhe në kohën e demarkacionit. Deklaratë lidhur me këtë kishte lëshuar edhe ish presidenti i ShBA-së, Barack Obama dhe ish zv. presidenti Biden, por për krerët e koalicionit tanimë të vetërrëzuar, Albinin dhe Vjosën, kishte qenë e kotë.
Ata fyen, gënjyen, mashtruan dhe dhunuan institucionet e shtetit, por kurrë nuk pranuan të japin përgjegjësi për dëmet e shkaktuara.
E mbajtën peng vendin, e izoluan dhe e sollën në pikën më kritike raportin e shtetit të Kosovës me partnerët ndërkombëtarë dhe as nuk u lodhën për këtë.
E filluan betejën kundër PDK-së me gënjeshtra të cilat ndikuan politikisht të përfitonin për vete, por harruan se po dëmtonin më shumë vendin e tyre-Kosovën.
Si deri dje!
Albin Kurti, ndoshta e ka projektuar ndryshe provokimin e shkarkimit të tij, në vend të dorëzimit – largim me “dinjitet”, por, ai duhet të mos e harrojë kurrë: u shkarkua nga hiç më pak se mbi 2/3 e deputetëve.
Ai u shkarkua jo vetëm për mungesën e aftësisë për të qenë Kryeministër dhe përballur me probleme, jo vetëm për politikën tendosëse dhe mujshare kundër çdo adrese tjetër politike, por edhe për trajtimin dhe gënjeshtrat që i bënte ndaj shtetit më të rëndësishëm për Kosovën, ShBA-në!
Pra, rënia e tij nuk është thjeshtë mosbesim, është largim i një rreziku nacional për vendin dhe kombin e tij.
Tani, në situatën e re, deri në momentin e zgjedhjeve të parakohshme, iniciuesit e këtij mocioni duhet të bëjnë zgjedhjen e tyre politike.
PDK, i beson vetëm kauzës së legjitimitetit qytetar, qëndrimi i kryetarit Veseli ka qenë dhe është i qartë!
Por, PDK nuk do të abuzoj asnjëherë me këtë situatë, por as ta pranoj abuzimin.
Ish partnerët e koalicionit, duhet të ofrojnë zgjidhjen e tyre, pa llogaritur në PDK.
Për më tepër, si LVV, ashtu edhe disa aktorë tjerë politik në Kosovë, duhet ta kuptojnë se gënjeshtrat dhe mashtrimet në luftën politike po e dëmtojnë Kosovën.
Por edhe Kosova po i mban mend shkaktarët e tyre.
Populli nuk është i verbër, populli nuk harron, ai është sovrani!
Promo
Reklamo këtuLufta Prigozhin - Putin
Më shumëBombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gara për Parlamentin Evropian, Emma Bonino mbështet fuqishëm kandidatin shqiptar, Muharrem Salihu
Ramadani “dekonspiron” regjisorin serb: Po mundohet ta përgatisë opinionin perëndimor për planet serbe ndaj Kosovës
Ushtria shqiptare po ringrihet, 1.8 mld euro për transformim
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë