Burri i Linda Halimit: Nuk mund të më frikësoni, sepse jam martuar me shqiptare (Foto)

Këngëtarja Lindita Halimi ka qenë temë e mediave kohëve të fundit.

Ajo arriti që të fitojë Festivalin e këngës në RTSH, duke rezervuar në këtë mënyrë biletën për në “Eurovision 2017”, ku do ta përfaqësojë Shqipërinë.

Lexo po ashtu Linda Halimi shpallet fituese e Festivalit të këngës në RTSH, fiton të drejtën e përfaqësimit të Shqipërisë në "Eurovision" (Video)

Të gjithë e dimë që Linda ka qenë pak e paragjykuar nga shqiptarët, dhe kjo për shkak se në vitin 2010 ajo filloi një lidhje me reperin amerikan Big D, gjersa më pas edhe u martuan.

Lidhja e saj me një person të ngjyrës së kundërt, nuk u mirëprit aspak mirë nga mentaliteti shqiptar.

Megjithatë, edhe pse kjo gjë ka ndodhur, reperi nuk i mban inat aspak shqiptarët, madje madje së fundmi ka publikuar një fotografi në Facebook, përmes së cilës ka treguar se nuk ndjehet aspak ‘i frikësuar’ që është martuar me një shqiptare.

Në fotografinë e publikuar nga Big D, shfaqej një bluzë, në të cilën shkruhej: “Nuk mund të më frikësoni sepse e kam gruan shqiptare”, gjersa në mbishkrrimin e fotografisë, reperi ka komentuar duke thënë “E vërtetë”.

Përndryshe, ata tash e katër vite jetojnë së bashku në Shtetet e Bashkuara të Amerikës. /Telegrafi/