“Burgu me dyer të hapura”, përjetimet e ish-të burgosurve në Prishtinën e robëruar

Dokumentari “Burgu me dyer të hapura” nga regjisori Agim Sopi është shfaqur në Kinema Marubi.

Në një narrativë për jetët e robëruara dhe një dëshmi për jetët e humbura dhunshëm gjatë kohës kur Kosova ndodhej nën okupimin serb.

Aktorët, disa prej tyre ish të dënuar tregojnë një të kaluar që nuk është e largët për shqiptarët e Kosovës.

“Unë kam bërë një dokumentar modest, që flet për një burg ku përmes së cilit kanë kaluar 600 mijë njerëz, çdo i treti kosovar”,- tha Agim Sopi

Me lojën e Mikel Markaj, Arta Muçaj, Agron Shala, Beslidhje Bytyqi dhe Luan Kryeziu filmi përloti kuriozët e kinemasë.

Sytë e publikut, që ende pasqyronin intensitetin e filmit të shfaqur në Kinemanë Marubi, nuk rezistuan për të shuar kuriozitetin mbi frymëzimin e regjisorit.

“Një miku im Bujar Berisha, udhëheqësi i grupit Troja, mu lut që ti ndihmoja ta realizonim këtë dokumentar”, tha Agim Sopi.

Regjisori filmi i parë i të cilit u censuruar nga kryesitë e ish-Jugosllavisë, sjell për publikun një dokumentar për të rikthyer konceptin e lirisë si mision jetësor

Festivali Ndërkombëtar i Filmit për të Drejtat e Njeriut në Shqipëri do të shfaqë filma që trajtojnë aspekte te ndryshme të të drejtave të njeriut deri në datën 23 Shtator, me qëllimin e vetëm për të rritur ndërgjegjësimin dhe lartësuar figurën e njeriut.