Inflacioni mbetet i lartë. Parashikimet e BE për zhvillimet në Eurozonë. Si qëndron puna me Gjermaninë?
Sipas një parashikimi të Komisionit të BE-së, ekonomia në BE do të jetë më e qëndrueshme sesa mendohej vitin e kaluar. Autoritetet e BE presin një rritje prej 1 për qind.
Në parashikimin e dimrit, të publikuar në shkurt, Komisioni ende supozonte një rritje prej 0.8 për qind. Autoriteti tani parashikon një rritje prej 1.1 për qind për vendet në Eurozonë – pas 0.9 për qind në parashikimin e dimrit.
Ekonomia evropiane dhe botërore po përballet me rreziqet që lindin nga lufta në Ukrainë, por ekonomia është treguar më e qëndrueshme sesa mendohej: çmimet dukshëm më të ulëta të energjisë kanë ndikuar edhe në uljen e kostove të kompanive, thonë autoritetet evropiane.
“Ekonomia evropiane është në gjendje më të mirë sesa supozohej në vjeshtë”, tha Komisioneri i BE-së për Ekonomi, Paolo Gentiloni.
Për vitin e ardhshëm, Komisioni parashikon një rritje prej 1.7 për qind, ndërsa në dimër parashikohej rritje prej 1.6 për qind. Për zonën e euros, ajo pret një rritje prej 1.6 për qind më 2024 (më parë: 1.5 për qind).
Inflacioni mbetet problem i lartë
Komisioni i BE-së supozon se presioni i çmimeve do të mbetet i lartë.
“Inflacioni ka rezultuar më kokëfortë se sa pritej”, theksoi ai.
Komisioni pret një normë inflacioni prej 6.8 për qind për Gjermaninë më 2023, ndërsa parashikimet në shkurt ishin 6.3 për qind. Për Eurozonën vlerësohet se inflacioni do të jetë 5.8 për qind, ndërsa më parë thuhej se do të jetë 5.6 për qind.
Normat e inflacionit më 2024 në Gjermanika të ngjarë të mbeten të larta në 2.7 për qind dhe në Eurozonë në 2.8 për qind.
Banka Qendrore Evropiane synon një normë afatmesme të inflacionit prej 2.0 për qind për Eurozonën, e cila konsiderohet ideale për ekonominë.
Kryeekonomisti i BQE, Philip Lane pret që inflacioni në Eurozonë të lehtësohet ndjeshëm gjatë vitit. Për BQE-në, lufta kundër rritjes së vazhdueshme të çmimeve nuk është fituar ende. Në prill, norma e inflacionit u rrit lehtë në 7.0 për qind, pasi ra në 6.9 për qind në mars nga 8.5 për qind sa ishte në shkurt.
Komisioni i BE-së është më i kujdesshëm në lidhje me perspektivat ekonomike për Gjermaninë sesa qeveria federale.
Autoritetet e Brukselit presin një rritje prej vetëm 0.2 për qind të prodhimit të brendshëm bruto në vitin aktual. Kjo është 0.2 pikë përqindjeje më pak se parashikimet e ministrit të Ekonomisë, Robert Habeck. /Deutsche Welle/
Lufta Prigozhin - Putin
Më shumëU hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
KEDS: Elektroseveri ka filluar t’i vendosë njehsorët e rrymës në veri
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre