Britney Spears po punon për një album të ri, paralajmërohet edhe një bashkëpunim i mundshëm me Dua Lipën

Britney Spears nuk ka performuar live për gati pesë vjet, por ajo ende synon t’u kthejë fansave të saj.

Por, thuhet se ajo po planifikon të shkojë në studio për të punuar në një numër bashkëpunimesh pas suksesit të “Hold Me Closer” me Sir Elton John vitin e kaluar.

Ndër ata në listën e saj të hiteve me të cilët do të dëshironte të punonte përfshijnë Dua Lipa, Ariana Grande dhe Sam Smith – të cilët të gjithë kanë thënë se janë fansa të yllit, shkruan TheSun.

“Britney nuk do të dalë dhe të promovojë asgjë aktuale, kështu që një album me duete është një mënyrë e mirë për të shmangur nevojën për të bërë ndonjë promovim, ndërkohë që këngët do të luhen në mbarë botën”, tha një burim.

“Britneyt nuk i pëlqen asgjë më shumë se publikimi i muzikës, kështu që kjo është një mënyrë që ajo mund të vazhdojë të jetë e rëndësishme duke i lënë asaj kohë të kuptojë se si dëshiron të ndërmarrë hapat e saj të ardhshëm. Çdo ditë po merret ashtu siç vjen, dhe kjo është një mënyrë me rrezik shumë të ulët për të qëndruar e lidhur me fansat e saj duke hapur gjithashtu disa bashkëpunime të mahnitshme”, thanë tutje burimet.

Emra të tjerë me të cilët ajo mund të punonte përfshijnë Katy Perry, Kim Petras dhe grupin K-pop BTS.

Lexo po ashtu Britney Spears nuk i ka takuar fëmijët për më shumë se një vit, ata nuk i përgjigjen as mesazheve të saj

Britney ka shitur më shumë se 100 milionë disqe në mbarë botën dhe njihet si një nga super yjet më të mëdhenj të popit.

Edhe pse është e kuptueshme që ajo do të dëshirojë të bëjë hapa të vegjël për t’u rikthyer në muzikë, duke qenë se ka pasur disa vite të vështira për t’i shpëtuar konservatorit, gjë që i dha babait të saj, ndër të tjera, pushtet mbi jetën dhe financat e saj.

Ajo nuk ka publikuar një album që nga “Glory” e 2016-ës, por ka një projekt tjetër në rrugë e sipër, në formën e autobiografisë së saj.

Këngëtarja e “Piece of Me” kishte qenë nën një konservator që drejtonte çdo aspekt të jetës së saj. Në vitin 2021, këngëtarja e “I’m Not a Girl, Not Yet a Woman” gjeti përsëri zërin e saj dhe filloi të fliste kundër konservatorit.

Në nëntor 2021, një gjykatës në Los Angeles ndërpreu konservatorin 13-vjeçar, duke i dhënë këngëtares së “I’m a Slave 4 U” kontrollin e jetës së saj për herë të parë që kur ishte 26-vjeçare.

Që nga fundi i konservatorit të saj, Britney është martuar me të dashurin e saj, Sam Asghari, 29 vjeç. /Telegrafi/