Kryeministri britanik Boris Johnson ka njoftuar përmes një postimi në Twitter, se vendi i tij do t’ia dërgojë edhe 6 mijë raketa Ukrainës, në një përpjekje për ta ndihmuar ushtrinë ukrainase që të mbrohet nga sulmet e vazhdueshme ruse.
Qeveria britanike gjithashtu do të themelojë një fond së bashku me BBC World Service prej 1.4 milionë funte, për të rritur përpjekjet për ta luftuar dezinformimin që në masë të madhe është përhapur viteve të fundit, transmeton Telegrafi.
Kjo lëvizje vjen pasi zëdhënësi i Kremlinit e ka cilësuar Johnsonin si “liderin më aktiv që është kundër Rusisë”.
Këto raketa nuk janë të para që Britania e Madhe po ia jep Ukrainës, që sot ka hyrë në ditën e 29-të të pushtimit rus, ku vazhdimisht po ka luftime të ashpra. /Telegrafi/
