CineStar është një kompani kinemaje me qendër në Gjermani. Kompania u themelua në vitin 1948 dhe është zinxhiri më i madh i kinemasë në Gjermani dhe Kroaci. Që nga tetori i vitit 2018 kishte 54 lokacione në Gjermani dhe 14 në Kroaci; 13 multiplekse në Republikën Çeke; gjashtë në Bosnje dhe Hercegovinë; dhe katër në Serbi.
E më e madhja e kësaj serie në Evropën Juglindore është hapur pikërisht në Kosovë, përkatësisht në qendrën më të madhe tregtare të vendit, Prishtina Mall.
CineStar Cinemas është zinxhiri më i madh i kinemasë në rajon me 28 multiplekse, 182 salla dhe afërsisht 28,000 dhe me këtë megaplex në Prishtinë, CineStar tani hyn fuqishëm edhe në tregun e kinemasë në Kosovë.
Në prezencën e mediave dhe shumë të fuarve, CineStar hapën dyert e 15 sallave gjigante të kinemasë, të cilat përfshijnë një Gold Class për ata që pëlqejnë një takim luksoz me darkë në kinema, sallën eXtreme me një ekran më të madh dhe teknologji më të fortë, si dhe Ultimate nga Dolby Atmos, e cila është e përsosur për adhuruesit e zërimit më të fundit në botën e teknologjisë.
Para audiences në sallën e promovimit ishte shkruar me ndriçim fjala “Wow”, e cila përshkruante më së miri madhështinë dhe punën e madhe ekipore që është bërë për ta sjellë këtë kinema në Kosovë, suksesi i së cilës duket të jetë vërtet ‘wow’.
Sigurisht që nuk mungon edhe një Gaming sallë për e-sports, një Kids sallë për fëmijë që do të ketë një program dhe tingull të personalizuar për fëmijët e vegjël nga ora 11:00 deri në orën 17:00. Të gjitha këto formate janë në dispozicion nga sot, ndërsa CineStar njofton se salla 4DX do të hapet më 15 qershor me premierën e filmit “The Flash”.
Për Telegrafin, shefja e Blitz CineStar, Jadranka Islamovic, tregoi të rejat që kinemaja më e madhe në Evropën Juglindore po sjell në Kosovë.
“Në fillim ishte si ‘Mission Impossible (Misioni i pamundur)’. Dhe tani është një ‘Uau’. Sepse ne ndërtojmë një kinema të bukur me 15 salla. Dhe më e rëndësishmja është realisht kinemaja më e madhe në Evropën Juglindore. Pra, ne kemi 15 ekrane, kemi kaq shumë formate, për shembull, ne kemi ndërtuar ‘golden class’, me dy ekrane speciale dhe ushqim”, tha Islamovic për Telegrafin.
Tutje, ajo shtjelloi edhe disa nga veçoritë e CineStar-it, e cila ka një zbritje ekstra në vikendin e inaugurimit.
“Ne kemi ekrane vërtet të shkëlqyera me ndenjëset, ndenjëset mbështetëse, kemi shtretër mbretërorë, kemi zërimin, është tingulli më i bukur që mund të dëgjoni. Ne kemi përvojë. Ne po ndërtojmë kinemanë e destinacionit – kjo është strategjia jonë. Jemi krenarë sepse ju e dini, kjo kinema, u sjell njerëzve të Kosovës diçka të re, diçka të veçantë, një kinema destinacioni, ne do të donim që shikuesit tanë të kinemasë të vijnë, të qëndrojnë dhe të vijnë përsëri, sepse ne po ritregojmë historitë. Kjo është një kënaqësi. Është shikimi i filmit dhe të qenit pjesë e tij, e dini, ne jemi kinema me pesë yje dhe shikuesit e kinemasë do të jenë ylli i gjashtë. Kështu që ne jemi shumë krenarë për këtë projekt”, theksoi tutje CEO e Blitz CineStar.
Ajo tregoi arsyet se pse çdo qytetar i Kosovës ia vlen që të vizitojë nga afër kinemanë CineStar.
“Po [ia vlen ta vizitoni], sepse ju e dini, sepse ne e duam punën tonë. Ne i duam shikuesit tanë të kinemasë. Shërbimet tona janë më të mirat. Ne po përpiqemi t’ju japim një përvojë dhe ju duhet të vini dhe të përjetoni eksperiencën, eksperiencën me pesë yje – ky është mesazhi im. Ejani, shikoni dhe shijojeni”, përfundoi Islamovic për Telegrafin.
CineStar ka një zbritje speicale prej 50 për qind në çmimet e biletave nga e premtja 2 deri të dielën me 4 qershor dhe vlen për 25 filmat e repertorit të kinemasë, shumë prej të cilëve janë premierë.
CineStar – thjesht “Wow”. /Telegrafi/
Promo
Reklamo këtuLufta Prigozhin - Putin
Më shumëVera 2024 - 7 ditë pushime në Antalya duke filluar nga 328 euro
Çmimet më të mira për Ramazan në Emona Center
Kosova do të bëhet me impiant fotovoltaik diellor me kapacitet 100 MW, Murati: Projekti më i madh në rajon i këtij lloji
LINE Group ju pret në panairin më të madh në botë për dyer, dritare dhe fasada “Fensterbau Frontale” në Gjermani
Filloi loja më e madhe në vend
Haradinaj ironizon me Kurtin: Eh, sikur të mos e kisha bllokuar termocentralin 'Kosova e Re'
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Zbulo qysh mundesh me i vesh gërshetat me ZBRITJE
Më të lexuarat
Konfirmojnë lidhjen e dashurisë - Erolld Belegu dhe Diola Dosti shfaqen më të lumtur se kurrë
Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye
Aeroplani supersonik që ishte më i shpejtë se Concorde
Babai i Gentian Bejtjes: Nëse djali im ka vrarë e ka prerë, i jap dorën atij që e vrau!
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Barcelona i përgjigjet çmimit që Man Utd i ka vënë kartonit të Greenwood