Braziliani që përkrahë Kroacinë në ndeshjen ndaj vendit ku lindi: Do të jem me ta derisa të jenë në Botëror

Pas postimit të një fotoje me familjen e tij pas ndeshjes kundër Kanadasë, legjendar Eduardo da Silva ka ripërtërirë një foto të ngjashme për të festuar arritjen e Kroacisë në çerekfinale të Kupës së Botës.

Pas fitores ndaj Japonisë, braziliani publikoi sërish një foto me dy fëmijët e tij, me fanellat e Kroacisë.

Sulmuesi i njohur, që ka luajtur 64 herë për kombëtaren kroate dhe ka shënuar 29 gola, ka shpërndarë një foto me familjen në faqen e tij në Facebook me mbishkrimin: “Fitore e madhe! Skuadra e madhe! Vend i vogël, zemër e madhe!”.

Ai ka komentuar shanset e Kroacisë kundër Brazilit për HRT dhe ka treguar se do të mbështesë ekipin e Zlatko Dalić.

“Kroacia më dha shansin të jem ai që kam arritur në jetën time dhe sigurisht i jam mirënjohës për këtë dhe, natyrisht, përderisa Kroacia të luajë, unë do të mbështes Kroacinë”, ka thënë da Silva.

Tutje ai kërkoi nga Kroacia që të mbijetojë në 20 minutat e parë të ndeshjes, për të zhvilluar pastaj një ndeshje të madhe.

🇭🇷🔥 @EduardoDaSilva to be #Croatia ambassador at the upcoming #EURO2020!

👕 64 caps
⚽️ 29 goals
♥️ A fans' favourite#BeProud #Vatreni pic.twitter.com/BUmOjh6vYt

— HNS (@HNS_CFF) July 16, 2020

“Nëse i mbijeton 20 minutat e para kundër Brazilit, do të krijohet tension dhe do të jetë e vështirë për brazilianët, dhe Kroacia do të çlirohet me lojë. Mendoj se arma e kombëtares kroate është mesfusha. Luca, Brozo dhe Kova, ata drejtojnë edhe nëse janë tre të mirë, sigurisht që do ta kontrollojmë ndeshjen. Do të jetë e vështirë, por besoj”, deklaroi ai. /Telegrafi/