Ndeshja mes Borussia Dortmund dhe PSG doli të jetë mjaftë interesante, sidomos pjesa e dytë ku u shënuan të gjitha golat për tu mbyllur në fund 2-1.

Pjesa e parë doli të jetë më e qetë, ku u regjistruan vetëm dy raste të mira dhe të dyja nga gjermanët.

Jadon Sancho provoi në minutën e 27-të të ndeshjes, por që Keylor Navas ishte në vend.

Erling Braut Haaland gjuan bukur në minutën e 35-të, por goditja e tij shkoi ngjitur me shtyllën, duke mbetur rrjetat e paprekura.

Me këtë rezultat u mbyll pjesa e parë.

Në pjesën e dytë të parët rrezikuan francezët me Kylian Mbappe, i cili gjuan bukur, por Roman Burki ishte në vend në minutën e 66-të.

Goli erdhi në minutën e 69-të.  Erling Haaland shënoi, ku një top i kthyer nga portieri u ndal para këmbëve të tij, ndërsa ai e shtyri topin në rrjetë (1-0).

Por nuk vonoi shumë dhe Neymar barazoi shifrat në minutën e 75-të. Një aksion individual i Mbappe nga e djathta ku kaloi tre lojtarë gjerman, për të pasuar për Neymar që shënoi në portën e zbrazët (1-1).

Por Haaland e ktheu menjëherë epërsinë e Dortmund vetëm pas dy minutash (2-1).

Goli erdhi nga një goditje e fortë nga jashtë zonë e norvegjezit për të shënuar një super gol.

Ky është goli i 11-të i Haaland në Ligën e Kampionëve.

Deri në fund më nuk kishte gola dhe Borussia Dortmund merr një fitore, por për ta lënë ta hapur ndeshjen e ardhshme. /Telegrafi/