‘Bojkoto produktet serbe’ – fushata që po bënë thirrje që të mos konsumohen prodhimet nga Serbia
Nismëtari i fushatës “Mos bli produkte serbe – Besa, besë” për bojkotimin e produkteve serbe, Burim Piraj bën thirrje që të mos konsumohen prodhimet e Serbisë.
Piraj në një intervistë për Telegrafin tha se qëllimi i kësaj fushate është që të vetëdijesohet qytetari i Kosovës, që të mos blejë produkte të cilat importohen nga fqinji verior.
“Kjo nismë nuk ka qenë e çastit, pasi kohë të gjatë unë kam bërë fushatë për të mos blerë produkte serbe. Por, kur ishte reciprociteti i targave, kur Serbia na kërcënonte, e kam ndjerë vetën shumë keq që ne vazhdojmë t’i blejmë produktet serbe e ata sjellin tanke në kufi. Më kujtohet shumë mirë edhe ambasadori rus kur erdhi në veri dhe i lavdëronte forcat serbe”, deklaroi Piraj.
Ai tha se për t’u bërë pjesë e fushatës nuk ka rëndësi partia politike së cilës i përket, por vullneti për të kontribuar.
“Neve nuk na intereson se çfarë partie politike i përket individi që dëshiron të bëhet pjesë e fushatës. Na intereson vetëm vullneti për të kontribuar”, tha ai.
I pyetur se pse erdhi rritja e importit nga Serbia, Piraj përmendi pandeminë COVID-19 dhe agresionin rus në Ukrainë si dy zhvillime që kanë çorientuar tregun.
“Ne kemi dalë nga pandemia dhe pastaj nisi lufta Rusi-Ukrainë, është krijuar një kaos në treg. Njerëzit kanë qenë të çorientuar, duke vrapuar pas vajit, miellit etj. Këtu ka ndikuar edhe propaganda se do të ketë mungesë të produkteve bazike e njerëzit kanë vrapuar për të blerë. nuk kanë pyetur se prodhim i kujt është. Kjo e ka bërë atë rritjen në vlerë të importit nga Serbia”, shtoi ai.
Afaristi Piraj tha se qytetari duhet të dijë të bëjë dallimin mes cilësisë së një produkti dhe shijes.
“Ka pasur njerëz që kanë dashur ta devijojnë fushatën duke thënë se prodhimet vendore kanë cilësi të dobët. Ne asnjëherë nuk kemi kërkuar që të blihen produktet vendore. Ne konsiderojmë se vetë fakti se produktet e Kosovës eksportohen jashtë, janë shumë të mira. Qytetari duhet ta dijë një gjë – dallon cilësia e produktit dhe shija. Një produkt mund të jetë shumë i dëmshëm, por i shijshëm dhe anasjelltas”, tha Piraj.
Në fund, ai theksoi se prodhuesit vendorë në Kosovë janë të dëmtuar, kjo pasi sipas tij, në institucione udhëheqin njerëz që nuk e njohin ligjin për tregti të brendshme, duke favorizuar kështu prodhuesit e huaj dhe jo ata vendorë.
“Është situatë jo e mirë në Kosovë. Nuk dua t’i adresohem qeverisë aktuale, por në aparatin shtetëror nuk ka njerëz që janë të vetëdijshëm për atë që bëjnë. Ne e kemi pasur një takim në Ministrinë e Industrisë, Ndërmarrësisë dhe Tregtisë, ku kemi takuar një zonjë që ishte e autorizuar për përpilimin e ligjit për tregti të brendshme. Unë kam qenë ekstrem ekstrem i befasuar nga energjia e zonjës që në ligj me qenë gjithçka kundër nesh dhe mos me qenë tolerante aspak”, përfundoi ai. /Telegrafi/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
Nga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Shijo detin e krejt stinëve në “Holiday In 2”
Mesazhet iraniane ulën çmimet e naftës në tregun botëror
Modë apo relaks?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre