LAJMI I FUNDIT:

Bllokohen dhjetëra miliardë dollarë pasuri të oligarkëve të Vladimir Putinit, REPO ngrinë 300 miliardë dollarë të Bankës Qendrore të Rusisë

Bllokohen dhjetëra miliardë dollarë pasuri të oligarkëve të Vladimir Putinit, REPO ngrinë 300 miliardë dollarë të Bankës Qendrore të Rusisë

Një grup pune ndërkombëtar i krijuar në mars për të ushtruar presion ndaj Rusisë për t’i dhënë fund luftës së saj në Ukrainë ka bllokuar fonde dhe prona me vlerë mbi 30 miliardë dollarë të oligarkëve rusë.

Përveç sekuestrimit të jahteve dhe shtëpive luksoze, grupi i punës, i njohur si Elitat Ruse, Mbështetësit dhe Oligarkët (REPO), tha se ka ngrirë rreth 300 miliardë dollarë pasuri të Bankës Qendrore të Rusisë. Ukraina po i kërkon fondet e ngrira për rindërtimin e rajoneve të shkatërruara nga lufta.

“Puna e REPO-s nuk ka përfunduar ende.Në muajt e ardhshëm, anëtarët e REPO do të vazhdojnë të gjurmojnë pasuritë e sanksionuara nga Rusia dhe nuk do të lejojnë rusët e sanksionuar që të minojnë masat grupit REPO”, thuhet në deklaratë e grupit.

Grupi i punës i udhëhequr nga Shtetet e Bashkuara u krijua më 17 mars me qëllim të konfiskimit të pasurive të individëve dhe subjekteve ruse që janë sanksionuar në lidhje me sulmin e Rusisë ndaj Ukrainës që filloi më 24 shkurt. Përveç Shteteve të Bashkuara, anëtarë të këtij grupi janë edhe Australia, Britania, Franca, Gjermania, Italia, Japonia dhe Komisioni Evropian.

Që nga fillimi i sulmit ndaj Ukrainës, Departamenti amerikan i Thesarit ka vendosur sanksione ndaj qindra subjekteve dhe individëve të afërt me presidentin rus Vladimir Putin.

Falimentimi financiar i Rusisë – vendi ka rreth 40 miliardë dollarë borxh
Lexo po ashtu Falimentimi financiar i Rusisë – vendi ka rreth 40 miliardë dollarë borxh

Në lëvizjen e fundit të martën, Departamenti i Thesarit njoftoi sanksione kundër 70 subjekteve ruse, shumë prej të cilave konsiderohen kritike për aftësitë mbrojtëse të Rusisë dhe 29 individëve rusë.

Si pjesë e fushatës së presionit amerikan ndaj Rusisë, Departamenti amerikan i Drejtësisë krijoi grupin e punës “KleptoCapture” në mars. Duke punuar me partnerë të huaj, grupi i punës ka sekuestruar pasuri në pronësi të oligarkëve rusë me vlerë qindra miliona dollarë.

Në prill, autoritetet spanjolle, me kërkesë të Departamentit të Drejtësisë, sekuestruan një super jaht në pronësi të miliarderit rus Viktor Vekselberg.

Në maj, autoritetet e Fixhit bllokuan një jaht me vlerë prej 300 milionë dollarësh në pronësi të një oligarku tjetër të sanksionuar, Suleiman Kerimov. Jahti luksoz “Amadea”, 106 metra i gjatë, mbërriti në Gjirin e San Diegos të hënën, tha Departamenti i Drejtësisë.

A po ia kthejnë shpinën Putinit milionerët rusë? 15 mijë prej tyre pritet të braktisin Rusinë
Lexo po ashtu A po ia kthejnë shpinën Putinit milionerët rusë? 15 mijë prej tyre pritet të braktisin Rusinë

Zyrtarët ukrainas thonë se duan të marrin pasuritë e ngrira ruse, duke përfshirë qindra miliarda dollarë në rezervat e Bankës Qendrore Ruse, për të financuar rindërtimin e Ukrainës.

Muajin e kaluar, presidenti ukrainas Volodymyr Zelenskyy tha se kostoja e rindërtimit të ekonomisë dhe infrastrukturës së vendit të tij mund të shkojë deri në 600 miliardë dollarë.

Disa vende evropiane kanë mbështetur kërkesën e Ukrainës, ndërsa Departamenti i Drejtësisë i ka kërkuar Kongresit autoritet për të transferuar në Ukrainë disa nga të ardhurat nga konfiskimi i pasurive të oligarkëve. /VoA/

Në trend Ekonomi

Më shumë
Ik në Blue Fafa për vikend: Shijo pranverën e hershme buzë detit

Ik në Blue Fafa për vikend: Shijo pranverën e hershme buzë detit

Fafa Resort
Ftesë per ofertim

Ftesë per ofertim "Punime në “Telework” dhe “Civilwork” në rrjetin e IPKO

IPKO
Po lulëzojnë ofertat n’BAU MARKET

Po lulëzojnë ofertat n’BAU MARKET

Bau Market
Vizitoni destinacionet magjike me kompaninë kosovare gjatë gjithë verës

Vizitoni destinacionet magjike me kompaninë kosovare gjatë gjithë verës

Prishtina Ticket
Po bëhen një vit nga hapja e librarisë më të bukur në vend: Librarisë

Po bëhen një vit nga hapja e librarisë më të bukur në vend: Librarisë "Dukagjini" në Prishtina Mall

Dukagjini Bookstore
Golden Eagle rrit prezencën në tregun Slloven

Golden Eagle rrit prezencën në tregun Slloven

Golden Eagle Energy Drink
Kalo në kategori