Presidenti i Zgjedhur i SHBA-së, Joe Biden njoftoi sot përbërjen e një grupi pune të ekspertëve shëndetësorë, të cilët do të planifikojnë luftën kundër pandemisë së coronavirusit.
“Përballja me pandeminë e coronavirusit është një nga betejat më të mëdha që do të hasë qeveria jonë dhe unë do të dëgjoj shkencën dhe ekspertët”, tha Biden.
“Grupi i punës do të ndihmojë në formësimin e qasjes time për të menaxhuar rritjen e infeksioneve të reja, duke siguruar që vaksinat të jenë të sigurta, efektive, efikase, të shpërndara në mënyrë të barabartë dhe falas, dhe mbrojtjen e grupeve me rrezik të lartë”, shtoi presidenti i ri, raporton thewashingtonpost.
Grupi do të bashkë-kryesohet nga Vivek Murthy, njeriu i parë amerikan i shëndetit publik në mandatin e Barack Obamas, i cili u shkarkua nga Donald Trump dhe ish-kreu i Administratës së Ushqimit dhe Barnave (FDA), David Kessler, transmeton Telegrafi.
Murthy ishte ndër kritikët e parë të qasjes së presidentit aktual ndaj pandemisë.
Kreu aktual i grupit të punës për luftën kundër coronavirusit, dr. Anthony Fauci nuk është emëruar ende në trupin e Bidenit.
Anëtarët e mbetur të grupit të punës janë:
Rick Bright
Ekspert i vaksinave, i cili dha dorëheqje në krye të Ministrisë së Shëndetit dhe Shërbimeve Sociale muajin e kaluar pasi pretendoi se ishte ulur në gradë për arsye politike.
Rick Goosby
Ekspert i sëmundjeve infektive, i cili më parë ka shërbyer në administratat Obama dhe Clinton.
Luciana Borio
Më parë ka punuar në Administratën e Ushqimit dhe Barnave si udhëheqëse e departamentit shkencor.
Ezekiel Emanuel
Onkolog dhe këshilltar i Bidenit, i cili është nënkryetar i nismave globale në Universitetin e Pensilvanisë dhe më parë ka shërbyer në administratën e Obamës.
Michael Osterholm
Drejtor i Qendrës për Kërkimin dhe Politikën e Sëmundjeve Infektive në Universitetin e Minesotës.
Atul Gawande
Mjek i shquar, studiues i shëndetit dhe shkrimtar, i cili shërbeu si këshilltar i lartë në Departamentin e Shëndetit dhe Shërbimeve Sociale në administratën e Bill Clintonit.
Loyce Pace
President dhe CEO i Këshillit Global të Shëndetit.
Julie Morita
Nënkryetare ekzekutive e Fondacionit Robert Wood Johnson dhe ish komisioner i shëndetit në Chicago.
Celine Gounder
Asistent profesoreshë e mjekësisë dhe sëmundjeve infektive në Universitetin e New Yorkut.
Robert Rodriguez
Profesor i mjekësisë urgjente në Universitetin e Kalifornisë, Shkolla e Mjekësisë e San Franciscos.
Shtetet e Bashkuara janë vendi me numrin më të lartë të njerëzve të infektuar që nga fillimi i pandemisë – 10.2 milion – dhe më shumë se 235 mijë kanë vdekur.
Biden është një kritik i shpeshtë i qasjes së presidentit republikan, Donald Trump për menaxhimin e pandemisë.
Trump vazhdon të refuzojë të pranojë humbjen në zgjedhje dhe ka ngritur një seri padish për të sfiduar rezultatet në disa shtete. Analistët besojnë se këto procese ligjore nuk mund të ndryshojnë rezultatin e zgjedhjeve. /Telegrafi/
Promo
Reklamo këtuLufta Prigozhin - Putin
Më shumë‘Hakmarrja’ e Izraelit ndaj Iranit - gjithçka që ndodhi në ditën kritike
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Ky është heroi më i ri i Dubait - ai shpëton një familje që kishte ngecur në veturë shkaku i përmbytjeve
Pamjet satelitore tregojnë se nuk ka dëme të mëdha në Isfahan të Iranit
Izraeli e njoftoi në minutën e fundit SHBA-në për sulmin ndaj Iranit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi