Biden nuk tërhiqet për komentet e bëra për Putinin, thotë se nuk ka bërë thirrje për ndryshim regjimi në Rusi

Presidenti amerikan Joe Biden tha se “nuk do të kërkoj falje”, pasi javën e kaluar tha se Vladimir Putin nuk duhet të qëndroj në pushtet, duke shtuar se ai thjesht ka shprehur “zemërimin e tij moral”.

I pyetur nga gazetarët nëse pendohet që tha se Putin nuk do të duhej të mbetet në pushtet, Biden tha: “nuk po tërhiqem… këtë nuk e kam bërë atëherë, as tani nuk do ta bëjë. Thjesht kam shprehur zemërimin moral që e kam ndjerë, dhe nuk kërkoj falje për këtë”, tha Biden, transmeton Telegrafi.

Lexo po ashtu Sipas zyrtarëve të Pentagonit, forcat ruse kanë ngecur në shumë pjesë të Ukrainës

“Askush nuk beson se kam folur për rrëzimin e Putinit… askush nuk e beson këtë… kam shprehur zemërimin tim për sjelljen e këtij njeriu”, shtoi presidenti amerikan.

Kujtojmë që Biden gjatë vizitës në Poloni ku u takua me refugjatët ukrainas, tha para gazetarëve se Putin nuk duhet të mbetet në pushtet.

Lexo po ashtu Zelensky: Moska nuk po tregon respekt për ushtarët rusë të vrarë – nuk duan t’i marrin trupat e pajetë që t’ua dorëzojnë familjarëve

Megjithatë, zyrtarët amerikanë menjëherë reaguan, duke thënë se Biden nuk ka bërë thirrje për ndërrim regjimi në Rusi. /Telegrafi/

REPORTER: Do you believe what you said that Putin can’t remain in power or do you now regret saying that?

BIDEN: I’m not walking anything back. …I wasn’t then, nor am I now, articulating a policy change. I was expressing moral outrage that I felt and I make no apologies for it. pic.twitter.com/r34DosKkfP

— JM Rieger (@RiegerReport) March 28, 2022