Biden flet për sanksionet e reja ndaj rusëve: Do të rrisin presionin ekonomik ndaj Putinit

Presidenti amerikan, Joe Biden tha se masat do të “rrisin presionin ekonomik ndaj Putinit”.

Shtetet e Bashkuara kanë vendosur sanksione të reja ndaj vajzave të presidentit rus, Vladimir Putin si dhe disa institucioneve financiare.

“Së pari, Shtetet e Bashkuara do të vendosin sanksione të plota bllokuese ndaj Sberbank, deri tani institucioni më i madh financiar në Rusi dhe Alfa Bank, banka e saj më e madhe private”, tha ai duke shtuar se “Ne po mbyllim çdo llogari, çdo fond që ato banka mbajnë në Shtetet e Bashkuara. Ata nuk do të jenë në gjendje të prekin asnjë nga paratë e tyre, nuk do të jenë në gjendje të bëjnë asnjë biznes këtu”.

“Dhe së dyti, unë do të nënshkruaj një urdhër ekzekutiv, që do të ndalojë çdo investim të ri të SHBA-së në Rusi, më shumë se 600 kompani të sektorit privat”, pohoi presidenti.

Dy bankat e synuara thanë se sanksionet nuk do të kishin një ndikim të madh në operacionet e tyre.

SHBA po bashkërendon sanksionet gjithnjë e më të ashpra me grupin shtatë vendeve më të pasura dhe Bashkimit Evropian. /Telegrafi/