Bieber me një videoklip vetëdijesimi për femrat pa strehë

Ylli i muzikës pop, Justin Bieber, këtë vit e ka nisur me seriozitet të madh, ndërsa këtë e dëshmon edhe videoklipi i këngës së re me femra nga një strehimore në Los Angeles.

Në këngën “Intentions”, ai flet për sfidat e jetës reale, ndërsa fokus të veçantë u ka kushtuar femrave që jetojnë në Los Angeles.

Në projektin e ri, mysafir është reperi Quavo, ndërsa videoklipi është dhënë premierë të premten, kur këngëtari e ka nisur organizatën jofitimprurëse, Alexandria House, që është një strehimore e përkohshme për femrat, fëmijët dhe pjesëtarët tjerë të shoqërisë në Los Angeles dhe shërben si një shtëpi sigurie, për ata që jetojnë në kushte të pasigurta ekonomike.

NË videon muzikore të këngës së re përcillet jeta e tri femrave: Një emigrante nga Arabia Saudite, të cilës i është privuar arsimimi në moshë të re; Një nënë të re dhe të pastrehë, e cila e ka shpëtuar veten dhe fëmijët e saj nga dhuna familjare; Dhe një artiste që përmes artit të saj jep këshilla për jetën e femrave dhe fëmijëve të pastrehë.

“Intentions” do të gjendet në albumin e pestë të Bieber, “Changes”, i cili do të dalë në treg më 14 shkurt. /Telegrafi/