LAJMI I FUNDIT:

Djali i Xhemail Mustafës rrëfen momentin kur e kuptoi vrasjen e babait, tregon çfarë i premtoi Ibrahim Rugova

Djali i Xhemail Mustafës rrëfen momentin kur e kuptoi vrasjen e babait, tregon çfarë i premtoi Ibrahim Rugova

Zëdhënësi i Lidhjes Demokratike të Kosovës (LDK), Besian Mustafa në intervistë për emisionin “Personale” në RTV Dukagjini ka rrëfyer momente të dhimbshme për të kaluarën e tij.

Besiani është edhe biri i veprimtarit vrarë  të LDK-së, i cili edhe kishte qenë zëdhënës i LDK-së gjatë viteve të ‘90, Xhemail Mustafa.

Ai thotë se në vitet kur ishte 16-vjeç, me babin nuk kishte pasur shumë biseda për politikën apo situatën e kohës, por vetëm për historinë e popullit shqiptar.

“Babai nuk dëshironte që situatën e zymtë të Kosovës të reflektonte edhe të unë, si adoleshent që isha”, rrëfen Besiani.

I biri i Xhemajl Mustafës, rrëfen momentin kur ai e kuptoi se babai i tij ishte plagosur dhe që më pas nuk kishte arritur t’u mbijetojë plagëve të marra.

“Momentin kur e kanë vrarë babin unë isha në shkollën “Sami Frashëri” duke vijuar mësimet. Kanë ardhur të më marrin motra Besiana me drejtorin e shkollës në atë kohë, dhe si 16 vjeçar unë nuk e dija çfarë po ndodhte. Në veturë më treguan se babai ishte plagosur-kjo ishte informata që e kishim në ato momente. Jemi kthyer te banesa në Dardani. Kishte ardhur një policë i UNMIK-ut dhe më kishte pyetur nëse unë dija anglisht. Pasi unë i kisha thënë po, ai më kishte thënë ngushëllime babai juaj nuk ka arritur të mbijetojë”, rrëfen Besiani momentin që ai e konsideron më të vështirin në jetë.

“Edhe pse kishim dhimbje të madhe, nuk dinim si të vepronim pasi banesën tonë e kishin vërshuar media të ndryshme ndërkombëtare. Ata na thonin se e kuptojmë se keni dhimbje të madhe, por bota duhet të dijë se çfarë ka ndodhur sot në Kosovë”, tregon më tej Besiani.

Zëdhënësi i LDK-së, tregon edhe bisedën që kishte me Presidentin Rugova në atë kohë, pas vrasjes së babait të tij.

“Presidenti Rugova më shumë mundohej të na ngushëllonte dhe të na jepte shpresë për të ardhmen, e mbi të gjitha na jepte shpresë se së shpejti do të zbulohej se kush ishte urdhërdhënësi i vrasësit të babait”, tregon i biri i veprimtarit të LDK-së, i cili shton se për familjen Mustafa “mbetet tepër e rëndësishme të dihet kush ishte urdhërdhënësi i vrasjes së babait tim”.

Për familjen Mustafa, Besiani thotë se nuk janë të rëndësishëm emrat që kanë qarkulluar në media si vrarës të Xhemajl Mustafës, por “fillimi i gjykimit dhe dënimi i vrasësve të babit tim dhe veprimtarëve tjerë të LDK-së”.

Ai thotë se është e thjeshtë se vrasja e babit të tij ka ndodhur për arsye politike.

Besiani tregon se pas shtatë viteve në SHBA ai ka vendosur të kthehet në Kosovë dhe të kontribuoj në zhvillimin e shtetit.

“Kam punuar në banka komerciale e agjenci të ndryshme, por tani kam vendosur të bëhem zëdhënës i LDK-së”, thotë ai.

Si ekonomistë që është, Besiani thotë se këto 20 vite në Kosovë janë marr shumë me politikë e shumë pak me ekonomi.

“Nëse merremi me ekonomi dy dekadat e ardhshme, kemi potencial që ta mbamë rininë në Kosovë”, deklaroi Besian Mustafa./Telegrafi/

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori