Kryeministrja e Serbisë, Ana Brnabiq, më 8 gusht shkroi në X se letra e ligjvënësve evropianë dhe amerikanë, përmes së cilës ata kërkuan qasje më të ashpër ndaj Serbisë është “e mirëpritur”, pasi sipas saj, kjo është “provë e gjallë” që homologu i saj kosovar, Albin Kurti, në të vërtetë gëzon “mbështetje dhe inkurajim të plotë për cenimin e paqes dhe stabilitetit në Ballkan”.
Më 7 gusht, dhjetëra politikanë nga Evropa dhe Shtetet e Bashkuara i dërguan një letër shefit të diplomacisë të bllokut evropian, Josep Borrell, kryediplomatit amerikan, Antony Blinken, dhe atij britanik James Cleverly. Përmes kësaj letre, ata kërkuan ndryshim të qasjes ndaj Kosovës dhe Serbisë.
Deputetja britanike, Alicia Kearns, që publikoi letrën, tha se atë e kanë nënshkruar dhjetë kryetarë të komiteteve për punë të jashtme dhe 56 deputetë.
Në mesin e nënshkruesve të kësaj letre janë edhe senatori amerikan, Bob Menendez, dhe kongresisti Ritchie Torres.
Kjo letër u mirëprit nga presidentja e Kosovës, Vjosa Osmani, që tha se ekspozon “agjendën shkatërruese dhe destabilizuese të Serbisë”.
Në letër u tha se “Kosova është përballur me pasoja të mëdha pas përpjekjeve të kryetarëve që të hyjnë në zyrat e tyre në veri të Kosovës”.
“Kosova duhet të koordinohet me KFOR-in në të ardhmen për të parandaluar përshkallëzimet. Por, mungesa e presionit ndaj Serbisë pas ndalimit arbitrar të tre policëve të Kosovës dhe dështimi për t’i mbajtur përgjegjës ata që kryen sulme ndaj KFOR-it vënë në pah mungesën e barazisë në adresimin e tensioneve”, u tha në letër.
Brnabiq shkroi sot në Twitter (i riemërtuar X) se “letra është më se e mirëpritur, sepse ofron provë të gjallë se Kurti me të vërtetë gëzon mbështetje dhe inkurajim të plotë për minimin e paqes dhe stabilitetit në Ballkan”.
“Shmangia e zbatimit të marrëveshjeve të arritura (si Marrëveshja e Brukselit duke refuzuar themelimin e Bashkësisë së Komunave Serbe për më shumë se 10 vjet, ashtu edhe Marrëveshja e Ohrit që kërkon zbatimin e Marrëveshjes së Brukselit) dhe cenimi i të drejtave themelore të njeriut të serbëve në Kosovë ”, ka shkruar Brnabiq, transmeton Telegrafi.
avoiding the implementation of reached agreements (both the Brussels Agreement, by rejecting the establishment of the Association of Serb Municipalities for over 10 years, and the Ohrid Agreement which stipulates the implementation of the Brussels Agreement),⬇️
— Ana Brnabic (@anabrnabic) August 8, 2023
Në kohën e tensioneve në rritje, tre policë të Kosovës u arrestuan nga forcat serbe më 14 qershor. Autoritetet kosovare thanë se ata u “rrëmbyen” brenda terrorit të saj. Policët u liruan më 26 qershor.
Brnabiq shkroi në rrjetin X se shembulli më mbresëlënës i mungesës së besueshmërisë dhe objektivitetit të iniciuesve të letrës është se Alicia Kearns, “arriti të bëhej një prej njerëzve të paktë, deklaratat publike të së cilës u mohuan nga KFOR-i”.
Brnabiq iu referua një deklarate që Kearns bëri më 4 korrik, kur tha se armët nga Serbia në Kosovë po kontrabandoheshin përmes autoambulancave dhe se ato po “ruhen” në ndërtesat e Kishës Ortodokse Serbe.
Më 5 korrik, misioni paqeruajtës i NATO-s në Kosovë, KFOR, deklaroi se rasti të cilit i është referuar deputetja britanike daton në vitin 2022, kur një batalion i këmbësorisë së Britanisë u përfshi në veri të Kosovës për të mbështetur KFOR-in.
“Prania e supozuar e armëve ilegale është raportuar në Shtabin e KFOR-it, por pas hetimeve të mëtejme nuk janë gjetur prova” për kontrabandë, deklaroi KFOR-i.
Po atë ditë, kryeministri i Kosovës, Albin Kurti, deklaroi se po punohej për verifikimin e informacioneve të paraqitura nga deputetja britanike. /Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe