Sekretari Organizativ i Aleancës për Ardhmërinë e Kosovës, Ali Berisha, ka reaguar ndaj deklarimeve të fundit të kryeministrit Mustafa, ku ky i fundit fajëson opozitën, Listën Serbe dhe disa deputetë të pozitës për mos marrjen e liberalizimit të vizave.
Në reagimin e tij, Berisha thotë se “Kryeministri i koalicionit Thaçi – LDK, Isa Mustafa, paska dalur sonte me një reagim fajësues ndaj AAK-së, në raport me Demarkacionin”.
“Kryeministri në ‘panik’, çdoherë nga shkruan natën, në terr. Natë ishte terr, edhe kur e bëri koalicionin.
Mustafa akuzon AAK-në, opozitën dhe një pjesë të LDK-së duke u hedhur fajin, se me ndaljen e demarkacionit e penguan liberalizimin”, ka thënë Berisha në reagimin e tij, transmeton Telegrafi.
“I hidhëruar sonte edhe me deklaratat e ish-shefit të tij, z. Fatmir Sejdiu, z. Mustafa sikur me dhjetëra herë në të kaluarën edhe sonte u mundua të bëjë ‘balancë’ politik, për konsum të brendshëm, dihet, duke tentuar të godas sërish AAK-në”.
Berisha më tej thotë se “I ndodhur në panikun e një kryeministri që ka humbur kokën, (vdekja e dyshimtë ende e pa zbardhur e të ndjerit Astrit Dehari, ndarja e buxhetit në kalkulim elektoral për LDK-në, zërat e partnerit për shkëputje rrugësh, pakënaqësitë e themeluesve të LDK-së ndaj personit të tij dhe një varg realitetesh tjera), z.Mustafa drejton shigjetat nga AAK-ja”.
“Z. Mustafa, me keqardhje për deklarimet që po i bëni, të sigurojmë edhe njëherë, sikur me dhjetëra herë më parë, se; Demarkacioni nuk kalon, se Populli e ka të qartë dëmin e këtij projekti të cilit fatkeqësisht ju po vazhdoni t’ia bëni avokatin. Demarkacioni si i tillë, me shtetin mik, Malin e Zi, është kauzë kundërshtuese gjithëpopullore. Si i tillë, tashmë është i vdekur. Ndërsa liberalizimi i vizave dhe kriteret për të, ju e dini, se ua kanë komunikuar në mes të Prishtinës, të gjithë miqtë ndërkombëtarë të Kosovës. Mos i mbani fshehur, mos i mbuloni duke u marrë me AAK-në, por shpalosjani opinionit”, ka thënë Berisha. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Qeveria i kërkon Komunës së Tetovës të ndërpresë punimet për stadiumin e ri, reagon Bilall Kasami
Shala për koalicion pas zgjedhjeve: Vetëvendosjes, “hendek” e jo vija të kuqe
Hetuesja në rastin e Milosheviqit, Tromp: Gjykata Speciale me prapavijë politike, punon për interesa të Serbisë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251