Berisha flet si lojtar i Lazios: Ëndrrat bëhen realitet

Mesfushori shqiptar, Valon Berisha, nga sezoni i ardhshëm do të luajë në Serie A te Lazio.

Futbollisti që e përfaqëson Kosovën ka nënshkruar kontratë pesëvjeçare për klubin e ri, ku u transferua nga Red Bull Salzburg.

25-vjeçari ka bërë një postim në Instagram për të shprehur lumturinë e tij në lidhje me transferimin që i ka kushtuar Lazios 7.5 milionë euro.

UFFICIALE 🤝

⚪️🔵 Valon #Berisha è un nuovo calciatore de #LaPrimaSquadraDellaCapitale! #WelcomeBerisha 📝 https://t.co/ZyXQatzI6b pic.twitter.com/YN0GnVoLmK

— S.S.Lazio (@OfficialSSLazio) July 3, 2018

“Me kënaqësi ju njoftoj se kam nënshkruar me Lazion. Çfarë dite për mua dhe familjen time”.

Lexo po ashtu Lajmet për Valon Berishën

“Kush do ta imagjinonte se një fëmijë i vogël nga një qytet i vogël në Norvegji (Egersund) do të arrinte në qytetin e madh të Italisë (Romë). Ëndrrat bëhen realitet”.

https://www.instagram.com/p/BkxWNzGH3Sv

“Mezi pres t’i takoj bashkëlojtarët e mi te Lazio, mezi pres të filloj, tash nis puna e madhe. Forca Lazio”, ka shkruar Valoni, ndërsa postimit ia ka bashkëngjitur hashtagët se Zoti është më i madhi dhe e ka falënderuar Zotin.

Berisha e ka nisur karrierën në Akademinë e klubit Egersund, ku ka luajtur më pas edhe për ekipin e parë. /Telegrafi/