LAJMI I FUNDIT:

Belgjika do të dhurojë 225,600 doza të vaksinës anti-COVID për Kosovën, Armeninë dhe Gjeorgjinë

Belgjika do të dhurojë 225,600 doza të vaksinës anti-COVID për Kosovën, Armeninë dhe Gjeorgjinë
Foto: Arkiv

Ministria e Punëve të Jashtme të Belgjikës, ka bërë e ditur se do të dhurojë 4 milionë doza të vaksinës anti-COVID deri në fund të vitit 2021.

Siç njoftohet, këto vaksina do të dhurohen për vendet e treta, përmes programit COVAX.

E përfituese e këtyre vaksinave do të jetë edhe Kosova, në një grup me Armeninë dhe Gjeorgjinë, ku për të trija vendet janë planifikuar të shpërndahen 225 mijë e 600 vaksina në total.

“Fillimisht, 168,000 doza të vaksinave Astra Zeneca do të dërgohen në Ukrainë, pasuar nga 225,600 doza të planifikuara për Kosovën, Armeninë dhe Gjeorgjinë”, thuhet në njoftim.

“Ky donacion është një shembull i bashkëpunimit tonë evropian për të mposhtur këtë pandemi dhe për të përshpejtuar vaksinimin global”, ka thënë ministrja e Bashkëpunimit për Zhvillim dhe Politikat e Qyteteve të Mëdha, Meryame Kitir., bëhet e ditur në njoftim.

Tutje theksohet se që nga fillimi i krizës, Belgjika ka mbështetur mekanizmin multilateral Covax me një kontribut prej 4 milion euro dhe tani me një donacion vaksinash.

Po ashtu, brenda kuadrit të qasjes së koordinuar evropiane “Team Europe”, Belgjika do t’i japë përparësi dhurimit të këtyre vaksinave për vendet e Ballkanit Perëndimor, Fqinjësinë Lindore dhe Evropën Jugore, si dhe Afrikën.

14 vendet partnere të bashkëpunimit belg të zhvillimit janë gjithashtu ndër prioritetet gjeografike.

Prioriteti në ndarjen e vaksinave do të marrë parasysh gjendjen shëndetësore dhe kapacitetin e vaksinimit të vendeve.

Lajmin e plotë në anglisht mund ta lexoni KËTU./Telegrafi.

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori