LAJMI I FUNDIT:

Begaj takim me Biden: Të bashkuar nga një aleancë vlerash

Begaj takim me Biden: Të bashkuar nga një aleancë vlerash

Presidenti i Shqipërisë Bajram Begaj është takuar me kreun e Shtëpisë së Bardhë, Joe Biden gjatë punimeve të Këshillit të Sigurimit të OKB në Nju Jork.

“Miq dhe partnerë të bashkuar nga një aleancë vlerash”, shkruan Begaj në krah të fotos së publikuar në faqen e tij zyrtare në Facebook, ku shihet duke pozuar me presidentin Biden, zonjën e parë të SHBA Jill Biden dhe bashkëshorten e tij.

Osmani takohet me Biden: Aleanca e lirisë, aleanca e përjetshme
Lexo po ashtu Osmani takohet me Biden: Aleanca e lirisë, aleanca e përjetshme

Begaj dhe delegacioni shqiptar, përfshirë kryeministrin Edi Rama dhe ministrin e Jashtëm Igli Hasani ndodhet që prej datës 14 shtator në Shtetet e Bashkuara të Amerikës, pasi Shqipëria këtë muaj mban presidencën e këshillit të sigurimit në OKB.


Një ditë më parë kryeministri Edi Rama drejtoi debatin e nivelit të lartë në Këshillin e Sigurimit të OKB, fokusi i të cilit ishin pasojat e agresionit rus kundër Ukrainës. /Telegrafi/