Befason Blerina Kllokoqi Rugova, përmes një videoje lë të kuptohet se tani është përkrahëse e Vetëvendosjes?

Stilistja e njohur shqiptare, Blerina Kllokoqi Rugova, ka befasuar ndjekësit e saj në Instagram me një video të fundit të publikuar në InstaStory, ku tregon një moment të përbashkët me miqtë e saj.

Ajo shihet duke pirë kafe me dy miq, por ajo që i ka lënë të gjithë të habitur është mënyra se si e përshkruan shoqërinë e saj, duke folur për qëndrimet e tyre të ndryshme në politikë.

Në video, Blerina prezanton miqtë e saj dhe veten si “tri botë të kundërta” kur bëhet fjalë për preferencat politike, pasi njëri prej tyre është përkrahës i Partisë Demokratike të Kosovës (PDK), tjetri i Lidhjes Demokratike të Kosovës (LDK), dhe i treti është mbështetës i Lëvizjes Vetëvendosje (VV). Por ajo që ka shkaktuar më shumë reagime është kur Blerina sugjeron se ajo vetë është simpatizuese e partisë së tretë, Vetëvendosje.

Kjo ka ndodhur në momentin kur ajo në vidoe prezanton dy miqtë e saj si njëri përkrahës i PDK-së dhe tjetri i LDK-së, duke zgjuar kështu automatikisht aludimet se ajo është pjesëtarja e asaj shoqërie që përkrah partinë tjetër, në këtë rast VV-në.

Kjo vjen si çudi për fansat e Blerinës, e cila është nuse e familjes Rugova, kryefamiljari i së cilës (presidenti i ndjerë historik Ibrahim Rugova) ka qenë themelues i LDK-së dhe dy nga fëmijët e tij, kunati dhe kunata e Blerinës në këtë rast, Teuta dhe Uka, kanë qenë deputet të LDK-së ndër vite.

Megjithatë, videoja e Blerinës ka bërë që fansat të pyesin për orientimin e saj politik, duke sugjeruar se ajo mund të ketë përkrahje tani ndaj VV-së, parti që ka pasur një rritje të madhe në popullaritet vitet e fundit.

Po ashtu, kjo video vjen në një kohë kur familja Rugova është në qendër të spekulimeve për zgjedhjet e ardhshme. Motra e Blerinës, Blerta Kllokoqi Rugova, ka qenë e aluduar si një nga kandidatet e mundshme për deputete, megjithëse deri tani emri i saj nuk është shfaqur ende në asnjë listë zyrtare.

Ajo që është e sigurt, është se me këtë video, Blerina ka arritur të tërheqë vëmendjen e mediave dhe ndjekësve të saj, duke lënë pas një pyetje të madhe: A ka ndodhur një ndryshim në preferencat e saj politike, dhe çfarë mund të ndodhë me familjen Rugova në zgjedhjet e ardhshme? /Telegrafi/