Mukoza në gavrën e gojës së bebes është e përshtatshme që në të të zhvillohet kandida, atëherë shfaqet sora (sëmundje e gojës dhe e gjuhës)
Shfaqja e kërpudhës kokëfortë të kandidës, e cila gjendet gjithandej përreth nesh, zhvillimi i tepërt i së cilës kontrollohet falë baktereve të mira në organizëm, zakonisht ka të bëjë me personat e rritur, rrallë me fëmijët, por më pak me bebet.
Mirëpo çrregullimi i balancës bakteriale dhe sistemi i dobët i imunitetit lënë pasoja edhe në organizmin e më të vegjëlve.
Te bebet kandida më së shpeshti shfaqet në mukozën e gavrës së gojës, transmeton Telegrafi.
– Sistemi mbrojtës i bebes akoma nuk është i formuar, andaj janë shumë të prira për infeksione kërpudhore, ndërkaq, nga ana tjetër, fëmija i vogël ka nevojë që vazhdimisht të vërë diçka në gojë, posaçërisht kur i dalin dhëmbët. Kështu në organizëm fut mikroorganizma të ndryshëm, midis të cilëve janë edhe kërpudhat.
Shtresat e bardheme në gjuhë
Në gjuhë, posaçërisht në rrënjën e saj, janë të dukshme shtresat e bardheme, ndërkaq me zhvillimin e sëmundjes pothuajse e gjithë gavra e gojës mund të bëhet e bardhë.
Problemi kryesor fshihet nën shtresat e bardha, sepse kërpudhat depërtojnë në mukozë, e dëmtojnë dhe shkaktojnë dhembje. Bebja bëhet nervoze, refuzon ushqimin.
– Prandaj te bebet, nëse pa arsye janë nervoze apo vështirë hanë, kontrollohet gavra e gojës. Zakonisht kontrollimi është i mjaftueshëm për caktimin e diagnozës. Nëse çështja është e dyshimtë, merret mostra, ndërkaq në të lehtë konstatohet prania e kërpudhave. Soori, sado që t’i krijojë probleme bebes, goxha lehtë shërohet.
Krahas xheleve të ndryshme orale, është edhe Genciana, tretje e mereqepit. Tashmë me decenie përdoret si mjet efikas për zgjidhjen e këtij problemi. Mjafton që me fashë të vogël apo me gazë ta spërkatni në gjuhën e bebes pas racionit tri-katër herë në ditë dhe bebja vetë do ta përhapë nëpër gojë.
Pas disa ditëve kandida me sukses zhduket. Duhet vetëm të kihet kujdes që Genciana të mos prekë syrin e bebes. Terapia aplikohet nën kontroll të vazhdueshëm të mjekut, edhe në rast që infeksioni përsëritet.
Kujdes me antibiotikët
Me kandidë mund të jenë të përfshira edhe pjesët e tjera të organizmit. Për shkak të përdorimit të tepët të antibiotikëve me spektër të gjerë, të cilët me sukses eliminojnë shkaktarin e infeksionit, mirëpo edhe të gjitha bakteret e mira, me ç’rast çrregullohet balanca natyrore, te fëmijët e rritur është i shpeshtë infeksioni i zorrëve.
Bebet janë të prira të kenë probleme me lëkurën nën ndikimin e kandidës, andaj veprimi themelor në preventivë është respektimi i të gjitha rregullave higjienike. /Telegrafi/
Promo
Reklamo këtuLufta Prigozhin - Putin
Më shumëThonë se nuk ka grua më të bukur se ajo në planet: Bën seks katër herë në ditë
Kështu duhet ta joshni një mashkull në takimin e parë!
Qindra emra shqiptarë dhe ilirë për fëmijën tuaj
Nëse keni dhjamë të tepërt në kofshë dhe ijë: Bëjeni këtë dhe shtresat do të zhduken brenda një kohe të shkurtër
Stili fantastik i Phoebe Dynevor - ylli i serialit "Bridgerton"
A mund ta ushqej fëmijën me qumësht gjiri tash kur jam shtatzënë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin