Bebe Rexha publikon video nga festa familjare në Ditën e Falënderimeve, për herë të parë atyre iu bashkua i dashuri i saj grek Simos Liakos

Këngëtarja shqiptare me famë botërore, Bebe Rexha, ka ndarë me ndjekësit e saj një moment të veçantë nga festa e Ditës së Falënderimeve, të mbajtur në shtëpinë e saj në Amerikë.

Në një video të publikuar në rrjetet sociale, Bebe dhe familja e saj shfaqen duke kënduar këngën patriotike “America The Beautiful” me dorë në zemër, një traditë që duket se e ndjekin para çdo darke të Falënderimeve.

Në video shihen prindërit e saj, vëllai dhe këtë vit për herë të parë, edhe i dashuri i saj i ri, arkitekti grek Simos Liakos, i cili i është bashkuar familjes për këtë rast të veçantë.

@beberexhaHappy thanksgiving everyone!!! 🦃♬ original sound – Bebe Rexha

Një moment i veçantë që ka tërhequr vëmendjen e fansave është reagimi i Bebe Rexhës teksa qesh me përpjekjet e të dashurit të saj për t’u përshtatur me këtë traditë familjare. Simosi shihet duke ndjekur ritmin dhe emocionet e familjes, gjë që ka bërë të gjithë të buzëqeshin.

Lexo po ashtu Bebe Rexha ndan me fansat një kujtim të rrallë nga fëmijëria: Fotografi që prek zemrat e ndjekësve

Ky moment tregon jo vetëm afërsinë e këngëtares me familjen, por edhe atmosferën e ngrohtë që ajo ka krijuar me të dashurin e saj të ri, duke sjellë për herë të parë një mik të veçantë në këtë festë tradicionale.

Bebe Rexha, e cila është e njohur për lidhjen e saj të fortë me rrënjët familjare dhe shqiptare, vazhdon të jetë një figurë inspiruese për fansat e saj në mbarë botën, duke ndarë momente të vërteta dhe të ngrohta nga jeta personale. /Telegrafi/