Bayern Munichu gjen trashëgimtarin e Manuel Neuer

Siç raportohet nga Sky Germany, Bayern Munich ka identifikuar talentin francez Guillaume Restes si një pasardhës të mundshëm të Manuel Neuer.

Pasi pësoi një lëndim të dyfishtë menjëherë pas Kupës së Botës 2022 në Katar, kishte frikë se Neuer mund të detyrohej të pensionohej para kohe. Megjithatë, 37-vjeçari u kthye në 11-tën e parë të Bayernit kur Darmstadt vizitoi Allianz Arenan në ditën e nëntë të ndeshjes.

Që atëherë, Neuer ka rifilluar detyrat e tij normale si kapiten i klubit dhe si numri një i Thomas Tuchel. Megjithatë, pas nënshkrimit të një marrëveshjeje të re deri në verën e vitit 2025, ekziston një besim se portieri i Der Rekordmeister mund t’i varë këpucët pas dy vitesh.

Prandaj, Bayern ka filluar të përgatitet për pensionimin e tij eventual dhe portieri 18-vjeçar i Toulouse, Guillaume Restes, është identifikuar si trashëgimtari i fronit të Neuer. Pavarësisht moshës së tij, Restes ka nisur të gjitha 15 ndeshjet në Ligue deri më tani këtë sezon, si dhe të pesë ndeshjet e Toulouse në Ligën e Evropës.

Megjithatë, ndërsa Bayern sigurisht që po monitoron të riun francez, ata nuk kanë përjashtuar kandidatët e tjerë. Gregor Kobel i Borussia Dortmund dhe Mike Maignan i Milanit janë pasardhës të mundshëm të Neuerit, si dhe Alexander Nubel, i cili është i huazuar në Stuttgart nga Rekordmeister. /Telegrafi/