LAJMI I FUNDIT:

Bashkimi nuk udhëton në Bullgari shkaku i vizave

Bashkimi nuk udhëton në Bullgari shkaku i vizave
-->

Bashkimi nuk do të udhëtojë në Bullgari për ndeshjen me Rilskin në kuadër të Ligës Ballkanike.

Vonesa për pajisje me viza të basketbollistëve kosovarë është arsyeja e shtyrjes së këtij takimi, raporton Bota Sot.

Ky problem administrativ bën që prizrenasit të mos zhvillojnë ndeshjen e fundit për këtë vit në ligën ballkanike.

Në fillim të këtij muaji, Bashkimi u takua me Rilskin në Prizren, ndeshje që u fitua lehtë nga skuadra bullgare.

Prizrenasit renditen të parafundit në tabelë me shtatë pikë pas pesë ndeshjesh.

Bashkimi është skuadra e vetme kosovare në edicionin e sivjetmë të Ligës Ballkanike.