Bashkë me Netflix, ju duhet edhe VPN për ta shijuar!

Netflix i ka shokuar fansat e shërbimit të saj dhe investitorët me njoftimin se kompania tani po zgjerohet në 130 shtete të botës, duke filluar nga data 5 janar 2016.

Shërbimi i video-streaming tani është në dispozicion në 190 shtete, dhe shumë përdorues kosovar tashmë e kanë provuar Netflix edhe në Kosovë e Shqipëri, duke u qasur në të.

Përmbajtje origjinale e Netflix – në të cilën kompania investon miliarda dollarë është në dispozicion në të gjithë botën, por katalogu i saktë për përdoruesit e saj ndryshon në bazë të vendit të tyre.

Kjo për shkak se marrëveshjet e licencimit janë të ndryshme nga tregu në treg, dhe Netflix gjithashtu e krijon përmbajtjen e saj bazuar në atë që mendon se vendasit do të shikojnë.

Ky fakt mund të jetë goxha frustrues, veçanërisht pasi Netflix rregullisht sjell programe shumë popullore për ta mbajtur përmbajtjen e saj të freskët.

Por, në fakt, zgjerimi global ka hapur një botë krejt të re të mundësive për përdoruesit e Netflix, të cilët mund të qasen në përmbajtjen më të mirë të Netflix, përmes VPN.

Nëse ju bleni një VPN – softuer që ju lejon të hyni në internet, ndërsa ju bën të dukeni sikur jeni në një vend tjetër – atëherë kjo ju garanton qasje në katalogun global të Netflix.