Barriera koralore e Grykës së Djallit në Sazan, monument natyre për t’u zbuluar

Barriera koralore e Grykës së Djallit, e shpallur monument natyre, ndodhet në jugperëndim të ishullit të Sazanit, midis tij dhe Karaburunit në gjirin e Vlorës.

Shumë njerëz nuk e njehin këtë vend interesant në ishullin e Sazanit që vetëm vitet e fundit ka nisur të frekuentohet nga vizitorët vendas dhe të huaj për bukurinë e tij natyrore dhe veçantinë historike.

Agjencia Kombëtare e Zonave të Mbrojtura solli disa fakte interesante në lidhje me këtë monument natyror.

Mendohet se përbën një habitat karakteristik me korale, që ruhet ende në gjendje të mirë. Ajo njihet për vlerat e saj shkencore, didaktike dhe turistike. Mund të vizitohen vetëm nga vizitorë të specializuar dhe zhytës, duke shkuar me anije apo varkë nga Vlora për në ishullin e Sazanit.

Barriera koralore e Grykës së Djallit është një habitat koralor në thellësi rreth 10 metër. Ata që duan të shtyhen më shumë në aventurë mund të guxojnë të zhyten dhe poshtë detit i pret të botë tjetër ku banorë janë koralet, peshqit, një botë nënujore nga më të pasurat e gjithë bregdetit të Shqipërisë. /Telegrafi/