Sipas raporteve të mediave në Spanjë, Barcelona ka rritur interesimin e tyre në dyshen e talentuar të skuadrës gjermane, RB Leipzig, Dayot Upamecano dhe Timo Werner.
Gjiganti katalunas janë të etur për të përforcuar skuadrën e tyre edhe më shumë që nga largimi i Neymarit drejt Paris Saint-Germain.
Edhe pse transferuar në verë Ousmane Dembelen nga Borussia Dortmundit dhe Paulinhon nga Gouangzhou Evergrande, drejtuesit duan edhe një sulmues të ri dhe një mbrojtës të ri.
Drejtori sportiv i klubit katalanas, Robert Fernandez, ishte i pranishëm në stadium për të parë nga afër dyshen e RB Leipzigut, Upamecano dhe Werner në humbjen e fundit 2-0 të Bundesligës nga Bayern Munich.
Sipas gazetës spanjolle Mundo Deportivo, Fernandez ka analizuar nga afër paraqitjen e mbrojtësit Upamecano dhe reprezentuesit gjerman, Werner.
Blaugranët thuhet se i kanë caktuar këta dy lojtarë si zëvendësim afatgjatë për Gerard Piquen dhe Luis Suarezin, të cilët kanë kaluar të dy të 30-tat.
19-vjeçari Upamecano, një reprezentues francez i moshave është shumë i vlerësuar në Leipzig, ku ka bërë 15 ndeshje, ndërsa Werner thuhet se është ndjekur edhe nga Real Madridi.
Barcelona gjithashtu në mbrojtje ka synim edhe Milan Skriniarin e Interit dhe Kalidou Koulibalyn e Napolit, ndërsa objektivi kryesor është Philippe Coutinho i Liverpoolit për fazën e avancuar. /Telegrafi/
