Barcelona ka frikë se agjenti i Ronald Araujos mund të detyrojë mbrojtësin të largohet si lojtar i lirë

Barcelona ka shqetësim të madh rreth Ronald Araujos, pasi besojnë që agjenti i tij mund ta shtyjë largimin falas të mbrojtësit.

Uruguaiani po i afrohet një rikthimi në fushë pasi ka munguar për shkak të lëndimeve që nga Kupa e Amerikës 2024 gjatë verës.

Ai ishte në bankë në ndeshjen që Barcelona e fitoi 3-2 ndaj Borussia Dortmund në Ligën e Kampionëve.

Araujo mund të paraqitet në ndeshjen e së dielës me Leganes në La Liga, ku sërish është ftuar nga Hansi Flick dhe gjendet në bankë.

Sipas Mundo Deportivo , Barcelona është e pasigurt nëse agjenti dhe përfaqësuesit e Araujo duan që ai të vazhdojë karrierën e tij me klubin katalanas, pasi ai ka mundësi të fitojë para nga një lëvizje diku tjetër.

Me kontratën e tij aktuale që skadon në vitin 2026, Barcelona është e shqetësuar se Araujo mund të shtyjë të largohet si lojtar i lirë, duke i siguruar atij një pagë më të lartë dhe një bonus fitimprurës për nënshkrimin me një klub tjetër.

Lexo po ashtu Barcelona po e blindon me kontratë të re Araujon

Gjigantët katalanas janë të etur që Araujo të nënshkruajë një marrëveshje të re.

Diskutimet për të ardhmen e Araujos do të duhet të zhvillohen së shpejti, me Barcelonën që nuk është në një pozicion të mirë financiar që t’i ofronte rritje të madhe Araujos.

Nëse ai vendos të mos rinovojë marrëveshjen e tij aktuale, ata do të duhet ta shesin në afatin e verës.

Do të ketë shumë kërkues për Araujon gjatë muajve të ardhshëm, me Chelsea dhe Manchester United që më parë kanë pasur interesim. /Telegrafi/