“Barcelona dhe asnjë tjetër”, sensacioni suedez e do kalimin vetëm te gjiganti katalunas

Barcelona mbetet e vendosur për të siguruar shërbimet e mesfushorit premtues 17-vjeçar suedez, Lucas Bergvall, me synimin për merkaton e verës së ardhshme.

Edhe pse muaji janar duket i përjashtuar për blerje të reja për shkak të vështirësive financiare që e mundojnë klubin, ata punojnë pa u lodhur në rast se mund të zhbllokojë një burim të ardhurash, siç është mundësia e parealizuar e Barça Vision përmes Liberos.

Pavarësisht këmbënguljes së Djurgardens IF Fotboll, klubi aktual i Bergvall, kontrata e të cilit zgjat deri në dhjetor 2025, që talenti i ri të zgjedhë propozimin e Eintracht Frankfurt, lojtari mbetet i palëkundur në dëshirën e tij për të luajtur për Barcelonën.

Lexo po ashtu A i ka kurdisur Barcelona ndeshjet për 17 vite - gjyqtari nxjerr përfundimin

Ndërsa gjermanët janë të gatshëm të ofrojnë deri në 10 milionë euro, oferta katalunasëve është rreth 6 milionë, një diferencë e konsiderueshme, por jo e pakapërcyeshme. Për më tepër, për mesfushorin e talentuar kanë shfaqur interesim edhe klube të tjera të njohura si Bayern Munich dhe Juventus.

Pavarësisht konkurrencës intensive për të marrë përsipër talentin suedez, Barcelona sheh një fije optimizmi për të përfunduar këtë nënshkrim verën e ardhshme, e nxitur kryesisht nga vendosmëria e Bergvall për të veshur fanellën e Barçës, ashtu siç raporton MundoDeportivo. Sidoqoftë, nëse nuk ndodh një përpjekje e fundit, e cila do të përfshinte një përmirësim në ofertën fillestare, operacioni pritet të mbyllet më shumë në javën e ardhshme sesa në ditët në vijim.

Lojtari suedez ka tërhequr vëmendjen e menaxhmentit sportiv të klubit katalanas, i cili pranon se e ardhmja e skuadrës duhet të bazohet në talentet e rinj, si në akademi  ashtu edhe jashtë, në kombinim me lojtarë të rinj që tashmë janë vendosur si referencë, përveç përvojën e ofruar nga disa veteranë. /Telegrafi/