Në lagjen Kroi i Vitakut në Mitrovicë, banorët e komuniteti serb janë duke u munduar që të ndërtojnë banesa shumë katëshe për banim.
Mirëpo një gjë të tillë nuk janë duke e lejuar banorët shqiptarë të cilët janë banorë të asaj lagje.
Skender Rama, banor i lagjes “Kroi i Vitakut” në emisionin “Zyra e Ankesave”, në RTV Dukagjini ka treguar se pse nuk janë duke lejuar ndërtimin e këtyre banesave shumë katëshe të dedikuar enkas për komunitetin serb.
Ai tha se të shtunën e kaluar një kompani serbe kishte ardhur për të filluar ndërtimin e banesës për komunitetin serb, mirëpo këtë nuk e kishte lejuar Rama.
Për të mos mjaftuar kjo, sipas tij pas dy dite vjen një tjetër kompani shqiptare, me arsyetimin që ata ishin kontraktuar për ndërtimin e banesës, mirëpo as këtë kompani banorët e lagjes “Kroi i Vitakut”, nuk ia kishin lejuar, transmeton Telegrafi.
Arsyeja e Ramës për mos lejimin e këtyre ndërtimeve është se para pesë viteve ish-ministrja për Dialog, Edita Tahiri ia kishte ndërprerë punimet e shtëpive të banorëve serb të financuara nga Qeveria e Republikës së Kosovës, të cilat shtëpi ishin djegur gjatë bombardimit të NATO-s, në vitin 1999.
“Fillimisht të shtunën në orën 8:30 kanë ardhur një kompani serbe për të bërë ndërtimin e një banese shumë katëshe. Kam dal në vendin e ngjarjes dhe kam kërkuar që të ndërpriten punimet me të vetmin arsyetim që unë kam. Para 5 vjetëve kur janë ndërtuar banesat tjera, Edita Tahiri ka ardhur dhe i ka ndërprerë punimet tek ndërtesat. Pas bisedimeve është lejuar që të ndërtohet banesa gjashtë katëshe me qëllim që të fillohet ndërtimi i pjesës tjetër të lagjes ‘Kroi i Vitakut’, të cilat shtëpi janë djegur në vitin 1999 kur ka filluar bombardimi i NATO-s”, tha ai.
Rama thotë se nuk duan konflikte me komunitetin serb, dhe se lagja “Kroi i Vitakut”, siç tha ai është një hapësirë e vogël për ndërtimin e këtyre banesave shumë katëshe.
Ai sqaroi se edhe pse serbët kanë bërë masakra në këtë pjesë, ata prapë nuk janë kundër ndërtimit të shtëpive të tyre, mirëpo kjo gjë le të ju lejohet edhe banorëve shqiptarë.
“Të gjitha këto banesa që janë këtu, shtatë banesa shumë katëshe janë serb prej Mitrovicës deri në Prizren. Janë ardhacak. Nuk kemi pengesa me banorët serb që janë pjesë e kësaj lagje edhe pse ata na i kanë djeg shtëpitë, na kanë vra, na e kanë marr Kadri Kadriun të cilin e kanë vra këtu , ku kufomën e kemi gjet në tunelin e parë. Është vrarë aktivisti Latif Berisha në derën e shtëpisë këtu. Me leje të kujt vijnë ata këtu që të ndërtojnë banesa. As nuk ka parqe, as korrigjo. E fëmijët e tyre luajnë në rrugë ku kalojmë dhe ne. E ne po duam t’i ikim konflikteve ”, shtoi tutje Rama.
E sa i përket ndërtimit të banesave shumë katëshe, Rama tha se lagja është duke u ngulfatur dhe se janë kundër degradimit të hapësirës.
“Për ndërtimin e shtëpive tonë na kanë ndihmuar qeveria. Ne jemi kundër degradimit të hapësirës në një pjesë shumë të vogël. E jo të na ngulfasin neve, sepse nëse vazhdon ndërtimi i banesave shumë katëshe në Kroin e Vitakut ne po e lëshojmë krejt”. /Telegrafi/
Lufta Prigozhin - Putin
Më shumëNga Rubrika
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Qytetarët e Maqedonisë së Veriut për një muaj kanë shpenzuar 629.738 MWh energji elektrike
Mariçiq: Deri në fund të muajit versioni përfundimtar i agjendës së reformës në KE
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Gjatë një operacioni policor në Prishtinë e Gjilan, gjenden dy bunkerë dhe armë zjarri
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Departamenti amerikan i Shtetit demanton dyshimet e ngritura ndaj Escobarit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre