Banka zvicerane: Bizneset familjare më të qëndrueshme gjatë pandemisë COVID-19

Raporti “Family 1,000: Post the Pandemic” prezantuar nga banka zvicerane Credit Suisse, tregon se bizneset familjare vazhdojnë të kenë ecuri më të mirë krahasuar me bizneset tjera, duke u treguar më shumë qëndrueshmëri gjatë pandemisë COVID-19.

Duke përdorur bazën e saj të të dhënave “Family 1,000”, e cila liston 1,000 biznese familjare ose në pronësi të themeluesve në bursë, Credit Suisse ka zbuluar se, që nga viti 2006, kjo pjesë ka pasur një ecuri më të mirë se ai i bizneseve jo familjare. Kjo performancë më e mirë ishte më e theksuar në Evropë dhe Azi, përcjell Telegrafi.

Pandemia e COVID-19 ka pasur ndikim të rëndësishëm te rendimentet dhe paqëndrueshmëria e tregut të aksioneve.

Bizneset familjarë priren të kenë karakteristika mbrojtëse mbi mesataren, që lejojnë një ecuri më të mirë, veçanërisht në periudha stresi të tregut.

Të dhënat mbi rendimentin në gjashtë muajt e parë të vitit e mbështesin këtë këndvështrim, duke marrë në konsideratë treguesin vjetor që shpreh një performancë rreth 300 pikë bazë krahasuar me bizneset jo familjare.

Analiza tregon se nga viti 2006, rritja e të ardhurave nga bizneset familjare ka kapërcyer ato jo familjare, si për kompanitë e vogla edhe ato të mëdha. Në të njëjtën kohë, studimi tregon se ndërmarrjet familjare priren të jenë më fitimprurëse.

Në fund, sondazhi zbuloi se ndërsa bizneset familjare janë përqendruar më shumë te politikat sociale që nga fillimi i pandemisë COVID-19, ato duket se nuk ruajnë të njëjtin hap me homologët e tyre jo familjarë në shumë faktorë të lidhura me çështjet ESG, në veçanti të drejtat e njeriut dhe politikat në lidhje me “skllavërinë moderne”. /Telegrafi/