Mbi 96.7 për qind e kosovarëve kanë shtëpi – vetëm 42.6 për qind zviceranët

Në Ballkan, shumica dërrmuese e njerëzve jetojnë në shtëpi që i zotërojnë vetë, duke reflektuar një traditë të fortë të pronës private që ka rrënjë të thella historike dhe kulturore në këtë rajon.

Në shumicën e vendeve ballkanike, mbi 90% e popullsisë janë pronarë të shtëpive të tyre, një përqindje shumë më e lartë se mesatarja evropiane.

Sipas TRT Balkan, Kosova dhe Shqipëria qëndrojnë në krye të kësaj liste, me nivele pronësie që i kalojnë 95%, duke treguar një lidhje të fortë të qytetarëve me pasurinë e paluajtshme dhe një prirje për të siguruar stabilitet ekonomik dhe familjar përmes zotërimit të shtëpisë.

Ky realitet është në kontrast të thellë me atë të shumë vendeve të pasura të Evropës Perëndimore, ku jetesa me qira është norma dominuese.

Sipas Në vende si Gjermania, Austria, Zvicra dhe Holanda, një pjesë e madhe e popullsisë zgjedh ose detyrohet të jetojë me qira, për shkak të tregjeve të zhvilluara të banesave, politikave sociale, dhe kostove të larta të blerjes së pronës. Në këto shtete, posedimi i një shtëpie shpesh nuk shihet si domosdoshmëri, por si një zgjedhje individuale ose investim financiar.

Ky ndryshim i madh mes Ballkanit dhe Evropës Perëndimore lidhet edhe me faktorë historikë dhe ekonomikë. Në Ballkan, proceset e tranzicionit pas rënies së komunizmit përfshinë shpesh privatizimin masiv të banesave, duke ua dhënë qytetarëve pronësinë e apartamenteve ku jetonin. Ndërkohë, në Perëndim, shteti ka pasur një rol më të madh në ofrimin e banesave sociale dhe rregullimin e tregut të qirave.

Shihni më poshtë një krahasim nga konkret midis vendeve të Ballkanit dhe atyre të Evropës Perëndimore, ku pasqyrohet qartë kjo ndarje e madhe në mënyrën e sigurimit të strehimit.