Babai i Kiara Titos reagon pas komenteve negative ndaj moderatores: Kur doli nga BBVA ka qarë me ditë të tëra, po paguan çmimin për të tjerët

Me rikthimin e saj në Big brother VIp Albania, Kiara Tito është vendosur sërish në qendër të vëmendjes dhe bashkë me të edhe të kritikave.

Moderatorja e cila ka qëndruar një javë jashtë shtëpisë së famshme pas eliminimit u rikthye me një sjellje më ndryshe, duke qenë më e afërt me partnerin e saj, këngëtarin Luiz Ejlli ndërsa ka injorua një pjesë të madhe të banorëve.

Madje në spektaklin e së martës, Kiara ka debatuar ashpër edhe me Efin, me të cilën në fillimi të BBVA ajo dhe Luizin ishin mjaft të afër.

Kjo ka ndikuar që Kiara krahas mbështetjes të krijonte edhe mllef me fansat e formatit të cilët nuk kanë kursyer gjuhën e urrejtjes ndaj saj në rrjetet sociale.

Për këtë së fundmi ka folur edhe babai i saj, Arbër Tito i ftuar në emisionin  “Ftesë në 5” në Top Channel, i cili mes tjera tha se do t’i ndjekë ligjërisht edhe disa prej mediave dhe gazetarëve që përdorën një gjuhë fyese dhe kërcënuese ndaj së bijës.

“Kam mllef me disa gazeta dhe gazetarë, por me ata do të merrem sa të dalë Kiara, me avokat nga Italia do të vijë, unë kam qenë çdo herë dakord me çdo vendim që ka marr Kiara, u tremba pak kur Luizi mori popullaritet sepse çdo famë e ka një çmimi, më duket Kiara po paguan një çmim për të tjerët”, tha babai i prezantuese.

Ai tutje foli edhe për ndryshimin e Kiarës pas rihyrjes në shtëpinë e famshme duke thënë se ajo do të merrte reagime gjithsesi.

Lexo po ashtu “Të erdhi goja tani që u pajtove me Luizin”, Deamishel dhe Efin debatojnë ashpër me njëra-tjetrën

“Është më e afërt sepse e pa reagimin e njerëzve. Është e ftohtë se është natyrë e saj. Tani një reagim do e bënte. Po të mos bënte reagim do thonin pse nuk reagoi. Një lidhje që ka dy persona, kur lidhen bashkë nuk ka një shabllon që duhet të ndiqet. Kjo është një lidhje që vendoset këtu. Mund të zihen në darkë dhe pajtohen në mëngjes”, tha tutje ai.

Ndër tjera, ai u shpreh se Kiara pas daljes nga BBVA ka qarë për ditë të tëra për shkak të ngarkesës që kishte.

“Fillon e mbaron Big Brother vetëm Kiara dhe Luiz. Çfarë është rreth Luizit do përmendet. Kiara ka qarë tre ditë, vetëm qante, është e tejmbushur. Tani nuk po vepron në inat e sipër, një javë maksimumi i zgjat inati. Nuk mban inat Kiara, njerëzit që nuk i do nuk i shan, por i injoron”, tha në fund ai.

Ndërkohë, sot (e enjte) Kiara arriti të sqarohej dhe të bënte paqe me Efin, tëe dyja vajzat diskutuan me njëra-tjetrën dhe vendosën që të vazhdonin shoqërinë aty ku e kishin lënë. /Telegrafi/