Abdul Majeed Mengal nga Nushi i Pakistanit, pretendon se është babai i 54 fëmijëve, që ia kanë lindur gjashtë gra.
Burri 70-vjeçar që punon si shofer për të mbajtur familjen e tij të gjerë, jeton së bashku me 22 djemtë, 20 vajzat dhe katër gratë e tij në një shtëpi, transmeton Telegrafi.
“Erdhi një kohë, kur kisha fuqi të madhe dhe kryeja marrëdhënie në baza ditore. Nevojitej të punoja shumë, sepse duhej ushqyer të gjithë”, ka thënë Mengal lidhur me rastin.
Disa nga fëmijët e tij të shumtë
Kushtet e vështira të jetesës, kanë bërë që t’i vdesin 12 fëmijë si dhe dy gra, mirëpo të tjerët ia kanë dalë të mbijetojnë me vështirësi.
Djali tij më i vjetër është 32-vjeçar dhe i ndihmon në shumicën e punëve, derisa të tjerët janë kryesisht nën dhjetëvjeçarë.
“Hamë së paku një herë në ditë dhe të gjithë kemi rrobe të pastra. Të gjithë fëmijët, flenë në dhoma të ndara së bashku me nënat e tyre”, ka shtuar ai më tutje.
Mësohet se shtëpia tij ka shtatë dhoma dhe të gjithë kujdesen për njëri-tjetrin rreth detyrave të shkollës, si dhe pastrimit apo gatimit. /Telegrafi/
