Ministri i infrastrukturës Pal Lekaj dhe zëvendësministri Rexhep Kadriu, kanë mbajtur një konferencë për gazetarë, pas interesimit të madh të këtyre të fundit lidhur me nënshkrimin e kontratave të operatorëve për ndërtimin e autostradës A 7.1 Prishtinë-Gjilan.
Sipas një njoftimi, fillimisht ministri Lekaj tha se nënshkrimi i kontratës për këtë projekt është lajm i mirë për të gjithë qytetarët e Anamoravës, por edhe të tërë vendit, ngase kjo autostradë lidhë Gjilanin me pjesët e tjera të Kosovës.
Lekaj duke dhënë detaje për këtë projekt, fillimisht ka thënë se autostrada do të kushtojë 88 milionë euro, do të jetë në një gjatësi prej 22.3 kilometra dhe se punimet pritet të fillojnë në pranverë të këtij viti dhe do të zgjasin 30 muaj.
“Sot jemi para jush që ta japim një lajm të mirë për qytetarët e Anamoravës, ne jemi zotuar që nuk do të ketë ndarje regjionale, por do të kujdesemi në mënyrë të barabartë për të gjithë qytetarët e Kosovës. Jeni të informuar se është nënshkruar kontrata për Gjilan. Kjo autostradë do ta ketë gjatësinë 22.3 kilometra, me katër korsi dhe do të ketë impakt pozitiv në zhvillimin ekonomik të Anamoravës, por edhe të tërë Kosovës, sepse e lidhë Kosovën me autostradat tjera, me korridore dhe me qytetet tjera. Prandaj, unë së bashku me ju dhe të gjithë qytetarët duhet t’i gëzohemi këtij projekti. Është projekti më madhor që nuk ka përzierje të jashtme dhe ne si ministri jemi kujdesur që të jemi të vëmendshëm që të respektoghen të gjitha normat apo procedurat e prokurimit publik. Ju, siç e dini kur kemi ardhë ne, e kemi gjetur në procedurë, por qeverisja e kaluar nuk i ka përmbushur kriteret e prokurimit publik dhe ne jemi munduar që të jemi të saktë në kohë dhe ta respektojmë ligjin e prokurimit publik. Të gjitha procedurat janë kryer në mënyrë të rregullt duke e respektuar ligjin, dhe tani janë përzgjedhur 8 operatorë ekonomik dhe ky projekt do të filloi në pranverën e hershme. Ju premtoj se Ministria e Infrastrukturës do të jetë transparente për të gjitha projektet dhe të gjitha procedurat që do t’i ndihmojnë transparencës së Qeverisë Haradinaj”, ka thënë ministri Lekaj.
Ndërkaq zëvendësministri i Infrastrukturës, Rexhep Kadriu, duke folur për rëndësinë e kësaj autostradë, ka thënë se kjo autostradë do t’i lidhë Anamoravën me Luginën e Preshevës.
Kadriu ka treguar se autostrada do t’i ketë tri kyçje duke filluar me atë të Banullës, pastaj një në Zhegovc dhe e fundit do të jetë në Bresalcë.
”Kjo autostradë e munguar për Gjilanin i lidhë diku afro 500 mijë banorë me Preshevën dhe Shkupin. Kyçja në këtë autostradë do të jetë në fshatin Banullë, një në Zhegovc dhe tjetra në Bresalcë. Autostrada do të jetë 22.3 kilometra, me katër korsi dhe do ta ketë edhe shiritin gjelbrues. Dinamika e kryerjes së punimeve do të jetë 30 muaj. Por ne nuk do të ndalemi vetëm në këto tëtë segmente, sepse në buxhetin e Kosovës janë të parapara 126 milionë euro për këtë autostradë dhe është e arritur e madhe sepse ne kemi arritur që këtë punë ta kryejmë për 88 milionë euro dhe jemi 40 milionë euro më lirë se sa ka qenë e planifikuar dhe 40 milionët e mbetura do t’i përdorim për segmentet tjera deri në Konçul”, tha Kadriu.
Ndërkaq, duke iu përgjigjur interesimit të mediave rreth mundësisë së publikimit të kontratave të nënshkruara, ministri Lekaj ka thënë se ato do të publikohen sapo të jenë gati dhe se secili qytetar i vendit do ta ketë mundësinë që të njoftohet me to. Ndërkaq ministri po ashtu ka siguruar se nuk do të ketë ndryshim të projektit edhe pse kishte tentativa për ta bërë një gjë të tillë. /Telegrafi/
Promo
Reklamo këtuLufta Prigozhin - Putin
Më shumëIk në Blue Fafa për vikend: Shijo pranverën e hershme buzë detit
Afër detit, afër mbretit - Mbreti i "Holiday In 2" po t'fton në fron
Po lulëzojnë ofertat n’BAU MARKET
Ftesë per ofertim "Punime në “Telework” dhe “Civilwork” në rrjetin e IPKO
Dënohet me 25 vjet burg mashtruesi më i madh me kriptovaluta në SHBA
Vizitoni destinacionet magjike me kompaninë kosovare gjatë gjithë verës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia