Tashmë janë bërë disa ditë që publikohen emrat e panelistëve vendor dhe ndërkombëtar të cilët do të jenë pjesë e konferencës së Marketingut Digjital e cila po mbahet në Kosovë.

Ditë më parë kemi parë emra të rëndësishëm në këtë fushë si Matt Navarra, të cilët do të jenë pjesë e konferencës.

Gjatë ditës së sotme u publikua edhe emri i radhës i ekspertit i cili do të jetë në Kosovë me datë 30 Qershor 2022 për të treguar më shumë rreth përvojës së tij në fushën e Marketingut Digjital.

Ai është Dennis Yu – Chief Technology Officer i BlitzMetrics – një nga kompanitë më të njohura të Marketingut Digjital. Z. Yu është bashkë-autor në librin i cili është radhitur i pari sa i përket shitjeve me titull “The Definitive Guide to TikTok Advertising”.

Për më shumë, ai është i njohur si ligjërues në Facebook Marketing në më shumë se 17 shtete duke pasur kështu ndikim dhe njohuri të jashtëzakonshme në këtë fushë. Yu është paraqitur në The Wall Street Journal, New York Times, LA Times, National Public Radio, TechCrunch, Fox News, CBS Evening News dhe është bashkautor i Facebook Nation – një libër shkollor i cili përdorët në mbi 700 kolegje dhe universitete.

Yu është kontribues i rregullt për rubrikën SocialTimes të Adweek dhe ka publikuar në Social Media Examiner, Social Media Club, Tweak Your Biz, B2C, Social Fresh dhe Heyo.

Me më shumë se 30 vite eksperiencë, Yu ka luajtur rol kyq ne Marketingun Digjital edhe para se kjo fushe të jetë e kërkuar dhe praktikuar ndërkombëtarisht.

Ai ka mbajtur pozita udhëheqëse në Yahoo dhe American Airlines.

Në konferencën Growth Tank, z. Yu do te jetë pjesë e panelit “Social Media as a Growth Accelerator” dhe do të ndajë me audiencën saktësisht se si strategjia e duhur në praninë e mediave sociale të një kompanie mund të ndikojë në performancën dhe rritjen e saj.

Kopjet e nënshkruara të librit të tij do të jenë të disponueshme për adhuruesit e Marketingut Digjital.

Bashkohu me ne më datë 30 Qershor dhe përfitoni nga eksperienca e këtyre folësve shumë të njohur në këtë fushë!