LAJMI I FUNDIT:

Austri, dënohet kosovari që kishte tentuar të siguronte dokumente false për atentatorin e Vjenës

Austri, dënohet kosovari që kishte tentuar të siguronte dokumente false për atentatorin e Vjenës

Një kosovar 30-vjeçar është dënuar të premten në Linz të Austrisë me pesë muaj burgim për shkak se ishte përpjekur të siguronte dokumente false për atentatorin e terrorit në Vjenë, rast i cili ndodhi më 2 nëntor të vitit të kaluar.

Sipas kësaj aktakuze, terroristi vjenez dëshironte të udhëtonte në Siri pesë muaj para atentatit. Kosovari prej muajsh ishte në paraburgim gjatë hetimeve kundër ndihmëseve dhe bashkëpunëtorëve të K.F., i quajtur tashmë si terroristi i Vjenës.

Periudha e gjykimit për një dënim me kusht për të është zgjatur në pesë vjet. Ndërkohë, ai është liruar nga akuzat për anëtarësim në një grup terrorist dhe organizatë kriminale.

Sipas aktakuzës, terroristi i Vjenës thuhet se i ka kërkuar të pandehurit dokumente false për të udhëtuar në Siri dhe për t’iu bashkuar ISIS-it. Ky dyshim mbështetet nga një transferim i datës 14 maj 2020, kur K.F. supozohet se i kishte transferuar të pandehurit 1400 euro.

Gjithnjë sipas aktakuzës, thuhet se një shok i burgosur i vëllait të tij kishte kontakte me terroristin K.F., shkruan krone.at.

Mirëpo vetë i pandehuri, i cili ishte ilegalisht në Austri pas dënimit me burgim prej gjashtë vjetësh për disa precedentë të tjera penale, kishte thënë në gjykatë se nuk di asgjë për prejardhjen e atentatorit. Si përfundim, marrëveshja me një falsifikator në Itali nuk u realizua.

“Ai donte dokumente, unë doja para“

Prokurori nuk e beson në atë që thotë. “Një organizatë si IS ka nevojë për një infrastrukturë të caktuar. Dhe i pandehuri u përpoq ta vinte në dispozicion”.

I pandehuri iu kundërpërgjigj: “Ai donte një dokument dhe unë doja para, përcjell albinfo.ch.

Pas vendimit përfundimtar, kosovari është liruar. Ai kishte vuajtur tashmë pesë muajt e paraburgimit.

Sipas krone.at, i pandehuri pas lirimit nga aktgjykimi, do të dëbohet për në Kosovë.

Në trend Lajme

Më shumë
Draft-statuti i Asociacionit, Joseph tregon pikën e mospajtimit me Kurtin

Draft-statuti i Asociacionit, Joseph tregon pikën e mospajtimit me Kurtin

Politikë
Rrëfimi i Demir Limës për Ukshin Hotin: Para se të dilte nga burgu i hoqi flokët vetëm që të solidarizohej me ne

Rrëfimi i Demir Limës për Ukshin Hotin: Para se të dilte nga burgu i hoqi flokët vetëm që të solidarizohej me ne

Lajme
Bislimi pas takimit me Lajçakun: Serbia në vazhdimësi e ka shkelur marrëveshjen në shumicën e neneve të saj

Bislimi pas takimit me Lajçakun: Serbia në vazhdimësi e ka shkelur marrëveshjen në shumicën e neneve të saj

Politikë
Shqipëria dhe Kosova bashkohen në 'Rotary International': Një ditë e rëndësishme për shqiptarët

Shqipëria dhe Kosova bashkohen në 'Rotary International': Një ditë e rëndësishme për shqiptarët

Lajme
Gërvalla: Sejdiu e ktheu LDK-në në degë të PDK-së, degradimi total ndodhi me Mustafën

Gërvalla: Sejdiu e ktheu LDK-në në degë të PDK-së, degradimi total ndodhi me Mustafën

Lajme
Prokuroria nis hetimet ndaj Përparim Ramës për shkelje në tenderin e komunës

Prokuroria nis hetimet ndaj Përparim Ramës për shkelje në tenderin e komunës

Lajme
Kalo në kategori