Atletet e preferuara vendosi t’i bëjë tatuazh, duroi mbi tetë orë dhimbje – britaniku thotë se tani i ka gjithmonë me “vete”

Një burrë nga Mançesteri i Britanisë, kishte marrë një vendim të pazakontë – të bërë tatuazh në këmbë atletet e tij të preferuara nga marka e njohur Nike.

Blazej Ambrozak, 44-vjeçe nga Rochdale, Mançester, e “shprehu” dashurinë e tij për atletet e preferuara Jordan të cilat vendosi t’i mbajë përgjithmonë në këmbë – duke i bërë tatuazh, transmeton Telegrafi.

Pavarësisht se duroi dhimbje të madhe për më shumë se tetë orë, Blazej tani nuk do të ketë nevojë të mërzitet që do të largohet nga shtëpia “pa atletet” e tij të preferuara.

“Ishte një vendim spontan për t’i bërë tatuazh, por vërtetë më pëlqeu ideja sepse është diçka ndryshe dhe që nuk shihet shpesh. Më pëlqejnë të gjitha llojet e atleteve nga Nike, por Jordan janë të parapëlqyerat dhe kështu vendosa t’i kem një palë gjithmonë me vete”, tha Blazej.

Megjithatë pranon se kishte dhimbje të mëdha gjatë seancës që zgjati mbi tetë orë, dhe u detyrua të qëndrojë pa lëvizur derisa përfundoi “kryevepra”.

Ishte Dean Gunther, 44-vjeç, që përvojën e tij 15-vjeçare si artist i tatuazheve, që të shfaq kreativitetin e tij në shputat e Blazejit. /Telegrafi/