Asus ROG Phone 7 vjen zyrtarisht më 13 prill

Asus ROG Phone 6 dhe ROG Phone 6 Pro u prezantuan korrikun e kaluar, por këtë herë kompania nuk po pret deri në verë për të zyrtarizuar telefonat e saj më të rinj për lojëra.

Në vend të kësaj, seria ROG Phone 7 do të zbulohet në një ngjarje më 13 Prill, siç mund ta shihni nga statusi i shpërndarë  përmes llogarisë zyrtare të ROG në Twitter.

Ngjarja do të transmetohet drejtpërdrejt për ata që dëshirojnë të shohin atë se çfarë ka të re në “ROG-land”, dhe do të zhvillohet përkatësisht në orën 20:00 sipas kohës lokale, raporton GSM Arena, transmeton Telegrafi.

Stay tuned for the new legend. ROG Phone 7 is coming on April 13, 8AM EDT.

Watch it live 👉 https://t.co/CGZtFnsTOF#ROGPhone7#ForThoseWhoDare pic.twitter.com/iNbTUSD5cz

— ROG Global (@ASUS_ROG) March 23, 2023

Ne kemi parë tashmë jo një, jo dy, por tre versione të telefonit(ve) të ardhshëm si prototipe në bazën e të dhënave në internet Geekbench, të gjitha duke e pasur të integruar çipin Snapdragon 8 Gen 2.

Të tre telefonat kishin 16 GB RAM në bord, por kjo nuk do të thotë se nuk do të ketë të paktën një opsion me 18 GB.

Sipas thashethemeve të kaluara, ROG Phone 7 do të vijë me një ekran me prekje 6.8″ FHD+ 165 Hz AMOLED, një bateri 6,000 mAh dhe mbështetje për karikim 65 W. /Telegrafi/